港姐2024｜佳麗莊曉婷狂敷面膜做機成功踢走包包面：好咗好多
撰文：吳子生
出版：更新：
候選佳麗5號莊曉婷（Kimmy）今日（26/8）現身將軍澳電視城出席《2024香港小姐競選》宣傳造勢活動。Kimmy受訪時表示：「下個月就舉行決賽，咁所以都好努力咁Keep Fit，而上個禮拜都見咗營養師，對方就建議我唔好再減落去。喺飲食方面我係有出力，相比起做運動方面，我反而係冇乜點做，因為做運動對我嚟講係有啲難，不過目標係想練返啲線條，希望到決賽當晚着泳衣嘅時候會好睇啲。」
另外，Kimmy為讓自己上鏡更靚，透露近日狂敷面膜做去水腫機趕走包包面：「我而前一個月敷一次面膜，但而家我係每日敷兩次面膜，早晚各一次。敷完凍面膜之後，我又會用去水腫機推面，加上而家晚上會食得清淡啲，減少鹽分及重口味嘅食物，而家係冇以前咁包包面，情況係好咗好多。」