港姐2024｜佳麗吳芷靖自認上圍唔輸蝕其他佳麗：我身材都好出眾

候選佳麗10號吳芷靖（Clay）今日（26/8）現身將軍澳電視城出席《2024香港小姐競選》宣傳造勢活動。Clay受訪時表示：「其實而家就冇之前咁緊張，因為覺得有好多地方係要學習同埋要進歲步，變咗而家慢慢會更加有自信。（需唔需要再減肥？）唔需要，大家之前都見到我着泳衣，條腰都好幼，咁所以覺得呢個部位係好睇同好靚嘅。（大會公佈眾佳麗三圍數字，怕唔怕上圍31½比其他佳麗遜色？）我唔會覺得，因為好多佳麗都讚我身材好。（會唔會佢哋呃你？）唔會啦，因為我都覺得自己身型比例係好好嘅。（唔擔心到時着泳衣同其他佳麗比下去？）唔會，我覺得自己身材都好出眾。」