刑偵12｜林保怡重返TVB感開心 新劇正式煞科抱恙現身：有啲小病
撰文：吳子生
出版：更新：
林保怡相隔13年強勢回歸無綫（TVB）拍攝新劇《刑偵12》，而且毫不錫身親身上陣拍攝多場動作戲，但在拍攝期間，保怡就不慎觸傷右邊膊頭舊患，但仍忍痛開工。經過3個月在內地的拍攝後，保怡日前終於返港，劇集亦正式煞科。
今晚（31/8）林保怡抱恙現身將軍澳出席活動，他在接受《香港01》訪問時表示：「經過3個月啲角色調換之後呢，終於返返嚟自己呢個身體，發覺原來真係要休息一吓，今日的確係有啲唔舒服，咁多年嚟都係咁，每次拍完劇煞科後，我都會有一啲啲嘅小病。今次能夠同一班完全未合作過嘅演員拍劇係好開心，因為我都係喺度學習，而我又會同大家分享演戲心得，加上由陌生到磨合，都有花火係好短時間。相隔13年返嚟拍劇係好開心，始終自己都係喺TVB出身，咁所以都有好大嘅感受。」