郭富城愛妻方媛被指忽然鼻大疑有喜：我自己都唔知

郭富城（Aaron）今日（16/5）現身屯門出席快餐店活動。對於愛妻方媛日前在跑馬地同朋友用餐時，被網民野生捕獲，有網民發現方媛鼻子忽然變大，疑似懷有第3胎，更指極有可能陀仔，紛紛留言祝賀。

郭富城接受《香港01》訪問時說：「其實連我自己都唔知。不過其實咁講，自己都作為兩個囡囡嘅父親，而呢兩個囡囡嘅出世都係好順其自然，因為我自己就比較鍾意順其自然嘅嘢，咁所以將來就算再有冇小朋友，我都會順其自然，所以就冇特別去諗呢樣嘢。不過我睇到張相啲時候，我自己係有少少心痛，係因為佢實在太忙，每日都要照顧小朋友，又要做推廣工作，有時我做完嘢之後返到屋企，佢又會問我肚唔肚餓，話煮個麵俾我食。有時我係知佢做嘢好辛苦，做到連自己不施脂粉俾人影到亦唔介意，反而我係好欣賞佢呢樣嘢。」