修哥開演唱會爆張家輝自動搵上門做嘉賓：我都冇諗住搵佢

修哥（胡楓）今日（14/5）現身土瓜灣連同為《楓騷演唱會2024》綵排，講到今年又開演唱會，以92歲之齡再創造全球華人最高齢舉辦大型演唱會的紀錄，修哥接受《香港01》訪問時表示：「其實初初我就冇呢個諗法，後尾做吓做吓，既然破咗紀錄，就希望繼續破第二樣，跟住又破第3樣。不過破咗亞洲紀錄係好開心嘅。（到95歲仲開騷就會破埋健力士世紀錄！）係呀，聽聞到95仲開騷，係破健力士紀錄，不過都要唱得到好一首歌先得㗎。」

被問到有否搵契仔張家輝做演唱會嘉賓？修哥笑言：「家輝佢起碼撐咗我4至5次，如果我開演唱會，佢就會發短訊俾我，會話我點解搵佢。但今次我都冇諗住搵佢，都係主辦方去搵佢咋。」