何伯擁450萬住公屋引起相關部門徹查　呂慧儀︰都要做嘢嘅

TVB皇牌資訊節目《東張西望》，經常發掘採訪香民生大小事，不時引起社會關注。近日接連報導喪妻76歲老翁何伯，與年紀相差逾30載的內地女忘年戀，同時為450萬錢銀問題與幾名子女反目成仇，事引起外界極大迴響，有人質疑何伯擁過百萬資產住公屋，有濫用公屋之嫌。有人在FACEBOOK成立「何伯＆何伯老婆關注組」已逾4.6萬會員，事件引來房署回應會調查有否違規。

呂慧儀今日（11/5）現身油塘，出席無綫處境劇《愛·回家之開心速遞》之「竉愛媽媽五月天」宣傳造勢活動，接受《香港01》訪問時表示：「何伯單新聞點會唔知呀，我睇到單新聞，我覺得佢哋兩個好勇於表達自己嘅關係。至於話佢有450萬，我就覺得呢方面都只係佢單方面講，始終又唔係佢一個人名，再加上我又唔知而家公屋啲準則係點，但我知係有入息審查，我諗相關嘅部門知緊要過我知囉。（相關部門開始徹查！）咁我諗都會嘅，都要做嘢嘅。」