港人讚住將軍澳落雨落街乜都有 荃灣/屯門等鄉郊地區比唔起！

之前有網民怨將軍澳DONKI太細不公平，最近連日暴雨，有網民讚將軍澳落街不怕濕身，就有好多餐廳美食及好去處，有DONKI之餘，更有齊壽司郎、峰壽司、元氣等多間壽司店，狂言：「我相信無咩地方比得起將軍澳！」更在留言暗指荃灣、屯門等鄉郊地區，簡直無法相提並論！

港人讚住將軍澳落雨落街乜都有 荃灣/屯門等鄉郊地區比唔起！

最近天氣差到爆，連日暴雨令有網民在Facebook群組「香港壽司刺身關注組」發文感嘆：「住將軍澳真係好好，落大雨樓下食壽司郎，見多人去峰壽司，元氣都唔會濕，我相信無咩地方比得起將軍澳(多謝支持)」，講法卻激起地區大戰，好多網民齊齊加入爭論，唇槍舌劍相當激烈啊！

有網民就話講起落雨，一定要提到港版「天空之城」——荃灣：「荃灣天空之城，落雨無帶遮都可以照出街唔濕身，想食咩都得！」而且有齊上述三間壽司店及DONKI，簡直無得輸。不過樓主輕輕飄過回應一句：「但是地點太遠，唔係市區，無計。」猶如直接將荃灣打落地獄！

有網民就重提荃灣DONKI大過將軍澳DONKI多多聲，樓主則疑似駛出用轉移戰術，回應道：「DONKI唔要就算啦😅😅將軍澳仲有爭鮮」，卻被網民們連珠發砲：「爭鮮荃灣都有，仲有貴版爭鮮......」、「仲有板長」、「論食嘢，將軍澳絕比不上荃灣」、「比佢計晒整個將軍澳都輸荃灣幾條街。」群情激憤下，樓主更講出名言：「主題是將軍澳，但如果想講其他地區嘅可以另外開一個Post。」

有網民不服激辯話：「其實好多地方都得」，樓主卻回應：「市區嘅黃大仙、深水埗、觀塘都唔得啦！」貌似鬧得好火熱，不過今次則被網民引用名言，反指「喂，如果你想講其他區，不妨開個post再講，呢個post唔係講將軍澳嘅咩？乜你咁雙重標準㗎。」逼到樓主回應「係嘅，我會留意」，直接收火，無力繼續爭執。

而位於新界西的屯門，按道理亦被列為樓主所指的偏遠地區。有疑似新界區居民火爆留言：「唔好話偏遠，屯門都係新界西嘅核心啦！佢有齊GU、Muji、Donki、壽司郎、迪卡儂同埋誠品，不服來辯，夠膽覆我我就開post tag你！」至截稿為止樓主仍未接受挑戰作出回覆。

有網民亦話，樓主不需要強調荃灣、屯門等地方是屬於偏遠地區或新界區，因為要考究香港地理及行政地區分，將軍澳根本就屬於西貢區議會，投票計入新界東區，只不過地鐵站接駁港島綫及觀塘綫，才造成強烈錯覺及誤會。不過有網民平心而論，認為將軍澳的確變得比以往方便：「其實將軍澳的確方便過以前好多嘅，不過冇條友講到咁誇張囉！」