市民怨將軍澳DONKI太細「荃灣咁少人又咁大間」掀兩區市民大戰

DONKI商品相當多，無論涵蓋生活用品及各式食品應有盡有，讓不少香港市民大讚好便利，吶喊「應該區區都有間」，想不到如此讚賞，卻引來不少爭議。有市民怨將軍澳DONKI太細間，又指責「荃灣咁小人又咁大間，搞笑」結果掀起市民口角大混戰！

市民怨將軍澳DONKI太細「荃灣咁少人又咁大間」掀兩區市民大戰

DONKI在2019年中正式進軍香港選址尖沙咀美麗華，隨後不到半年就於荃灣海之戀商場開設第二分店，更一度被各大媒體譽為「香港旗艦店」，聲勢一時無兩。不過隨著DONKI陸續於各區開設分店，海之戀分店人流被分薄，加上有其他分店總面積比較細，竟然引來地區分店粉絲不滿，要在Facebook群組「香港Donki關注組」發帖大鬧DONKI「大細超」！

發帖網民言詞好犀利，表示「將軍澳勁多人，好心將軍澳就擴充啦，荃灣咁小人又咁大間，搞笑」以荃灣海之戀分店人流少，來襯托將軍澳經常爆場，更在留言歌頌將軍澳分店：「同埋將軍澳係生意上面應該係全港數一數2」「講真，又新界區屯門又有，新界區全部人都去沙田，點會去荃灣」講到荃灣一文不值！

有網民認同講法：「將軍澳真係好迫，太多人啦加埋多一家大細，我都建議擴充，太細啦」不過亦有網民為荃灣海之戀分店護航：「荃灣、銅鑼灣都多人，呢幾日多到排長龍畀錢」「錯，將軍澳尾二生意，荃灣第一，美麗華第二」又指將軍澳人流多是錯覺，實則是「生意比較少嘅舖人手冇咁多，當人流多嘅時候，收銀員都未必可以咁快消化到，或者假期一家大細一齊行，咪容易累積好多客嘅舖內清得冇咁快囉！」

亦有網民提出見解，指「有幾多人入將軍澳donki？但由深井到荃灣到葵芳到荔枝角四小龍全部去荃灣donki......」以地理位置助證荃灣海之戀分店又人流保證！

發帖網民見到群情激憤，即使掀起兩區市民大戰仍然好堅持，在留言表示「同埋之前有個YouTuber都講荃灣蝕錢」又拉壽司郎落水，指「「咩呀，壽司郎荃灣都無，你識唔識㗎，我只知道將軍澳都有兩間啫」「壽司郎喺荃灣咁耐都唔開，都唔知係咪唔租」。

有網民翻查投稿網民帳號，發現投稿網民其實以往已經就將軍澳區分店太細表達意見，又曾發表新界西等「郊區」位置差，與將軍澳、銅鑼灣等「市區」有明顯差別等言論，認為其個人立場太偏頗。不過此話題亦引起不少粉絲認同，認為將軍澳DONKI的確有擴建必要。大家又如何看待這場爭議呢？