港人食雪糕見黑點以為「發霉」嚇到即刻扔掉！網民：留返畀我食

【飲食熱話】近來天氣開始變熱，新鮮食物如果不好好保存或會容易變壞！近日就有網民在社交平台發文表示，打開杯裝雲呢拿雪糕時，發現裡面有大量疑似發霉的黑點，嚇得不敢再吃，更立刻把雪糕扔掉！帖文引來大量網民轉發及討論，揭開疑似發霉的真相，更有網民竟然叫事主將「發霉」雪糕留給他們吃？

天氣回暖，又是時候食雪糕消暑！近日，有網民在Facebook群組「雪糕關注組」中分享食雪糕的親身「驚」歷，稱自己在打開Mövenpick雲呢拿味杯裝雪糕時，發現裡面出現大量不明黑點，懷疑雪糕發霉，更嚇到不敢食，即時把雪糕扔掉！

事主隨後更將雪糕實物照片上載至社交平台，並發文向網民詢問：「係唔係發霉？」從照片中可見，事主撕開雪糕的保鮮膠模，並用匙羹挖開雪糕，米白色的雲呢拿雪糕中間，的確有少許黑點，惟事主公開的照片亦可見，距離雪糕的最佳使用日期尚有近8個月的時間，照道理不可能變壞。

帖文公開後，一眾「雪糕關注組」的網民隨即加入討論，有網民更留言叫事主不要把雪糕丟棄：「發霉得好嚴重，攞曬嚟幫你清咗佢地！」、「發霉好嚴重，送比（畀）我我幫你掉」、「係！嚴重發霉！建議樓主立刻畀晒啲雪糕我，我捱義氣幫你清理！」

雪糕上疑似「發霉」的不明黑點，真身其實是雲呢拿籽！有網民向事主細心說明，表示是Mövenpick雲呢拿味雪糕的一大賣點，就是製作雪糕時用上雲呢拿籽：「平價雪糕會用假雲呢拿香油，用真雲呢拿先係好嘢！」、「雲呢拿其實唔係白色，你平時食果啲無黑點嘅大多係用雲呢拿油做，真正雲呢拿係黑色一點點，食得㗎」；也有網民指出正確分辨霉菌的方法。

今次發霉雪糕「蝦碌」事件，同時引來不少網民分享以往的相似經歷：「想當年十幾年前食台北個查理布朗雞蛋布丁，都係第一次見呢啲黑點，以為燶咗或者污糟，之後先知原來自己未見過雲呢拿籽」、「令我諗起以前公司賣法式燉蛋，試過有客寫信投訴話有鑊燶」。大家又有沒有擺過類似的烏龍事件呢？

詳細原文：