擔心強檢無法餵貓 伯伯學網購買二手餵食器 賣家暖心舉動感動網民

最近疫情仍然嚴峻，萬一不幸確診，分分鐘要去強制檢測。有獨居伯伯擔心自己受圍封而無法餵飼家中愛貓，因此打算二手網購一部自動餵食機，賣家與伯伯對話之後深受感動，決定做出一個充滿洋蔥的決定！

擔心強檢無法餵貓 伯伯學網購買二手餵食器 賣家暖心舉動感動網民

最近有網民在社交媒體分享自己放售二手餵食機的經歷，指日前因疫情決定在網上放售擺放良久的自動餵食機，當時收到一名伯伯的查詢。伯伯短信表示有興趣購買，不過就反覆問價錢及問題，「佢都問咗幾多問題，途中亦都講下價，我後尾都開始嫌佢煩，為咗證明部機正常運作，仲拍咗條片比佢，而買家亦都決定嚟我哋屋企樓下自取」賣家形容過程中使用翻白眼表情符號，似乎都感到相當不耐煩！

賣家與伯伯相約元朗，在交收碰面之後，賣家才得知買家是一個滿頭白髮的伯伯。賣家當時詳細描述二手自動餵食機的操作方法，伯伯學懂之後透露了一句：「你知啦，近排日日都圍封，又強檢，我驚有咩事，冇人餵屋企隻貓。」

賣家聽到後頓時覺得驚奇，形容：「去到呢到，我個心好翳。伯伯學上網買個二手自動餵食器，山長水遠入元朗，就係為咗屋企嘅主子。佢問咁多嘅問題，係擔心自己唔識用。講價係因為伯伯嘅資金都真係有限，電話plan（計劃）爆曬都唔捨得upgrade（升級），寧願將啲錢放起主子身上。」賣家當時便決定做出一個洋蔥舉動，暖透網民心。

賣家聽聞伯伯經歷及初衷後，當下決定將二手自動餵食機免費送贈予伯伯，不過伯伯卻決定拒絕。當下賣家亦無謂勉強老人家，因此透過短信向伯伯送上祝福：「部機唔識用嘅時候，又或者真係圍封冇人照顧貓貓嘅時候話我知，我哋會盡量幫忙。」在貼文末再感嘆：「喺呢個身體健康同世界和平都係奢侈嘅世代，香港人只可以互撐！」

網民留意到事件之後，紛紛留言指好感動，留言稱「睇到我眼濕濕」，並祝福伯伯身體健康。賣家再向記者透露，有網民主動贈送了不少貓食及飲水機給賣家，並由賣家統一轉贈給伯伯，盡顯人間有愛，為疫情寒冬增添一份溫馨暖意。