陳曉東師妹文恩澄轉型廣告導演　憑電影《極品閨蜜》衝出亞洲

《陰陽路》編劇劉孝偉早前涉嫌透過拍攝慈善電影騙財千萬並懷疑款避走台灣，不少藝人行內人更表示被騙。早前前歌手文恩澄接受《香港01》訪問時，就表示劉孝偉原來早有前科，因劉孝偉一個看似無心的舉動，而令她唱歌事業受挫。(《陰陽路》編劇劉孝偉涉騙財千萬 前歌手文恩澄爆料：佢有精神病）

現時已轉型成為廣告導演的文恩澄，雖然她曾與陳曉東同一間唱片公司，但歌手時期生活一點也不好過。「08年到12年做幕前嗰段日子，我幾乎係零收入。每個月都要靠自己教琴嗰三，四千蚊，最後尾我仲差唔多爭落四十萬債務。」其實文恩澄一直都是出名慳妹一名，但做歌手的收入幾近是零，完全不抵平日生活開支。而文恩澄由歌手轉型成為廣告導演的原因，就要從一次MV拍攝開始。「嗰時要拍新歌MV，但係公司同我講『冇Budget拍MV』。當時我自己又有機，咪嘗試下自己拍囉。嗰時用泥膠做Stop Motion嘅型式去做，哈哈，成本只係用咗$300，就係買泥膠嘅錢。」

不過所幸的是，文恩澄（Rannes）因這次MV的拍攝而開始了拍攝方面的工作。「拍完呢個MV之後，就分別有2組人邀請咗我幫佢哋導演參加微電影比賽，而好幸運咁，兩套電影都攞到優異獎。」其後Rannes就開始了拍攝婚禮錄影的工作。「嗰時開始做Wedding，早拍晚播，自己拍自己剪，都叫做維持到生活。好好彩地，做咗2年左右就有自己嘅Production House，再接Job做多6，7年就開始轉做幕後拍電影。」文恩澄（Rannes）的新作品《極品閨蜜 BFF Courier》最近更入選了「南德州國際電影節」，Rannes終於用行動實明了自己努力沒有白費。