《陰陽路》編劇劉孝偉涉騙財千萬　前歌手文恩澄爆料：佢有精神病

著名港產片《陰陽路》的編劇劉孝偉，近日被爆藉搞慈善為名，實質是騙財為實。事件中受害人指劉孝偉先後欺騙多名圈中圈內人投資他開拍的慈善電影《告別之前》以及其他計劃，更聲稱投資電影拍攝之後可回本金和利息，涉嫌騙走至少30名投資人士達1,000萬港元之多。最近更有傳媒揭發劉孝偉有可能已捲款到台灣消聲匿跡。一眾苦主包括投資者、藝人更紛紛表示投資均血本無歸，不過，原來劉孝偉在行內已經早有前科。

現職導演的文恩澄（Rannes Man），早在2007年就以歌手出道，但其後2007年在歌曲派台之前，就被公司雪藏一年之久。「連歌都未派台前就已經俾公司雪咗。」文恩澄一直至2008年才「正式出道」成為歌手，而事件的始作俑者，原來就是「導演騙案」的劉孝偉。文恩澄（Rannes）接受《香港01》電話訪問時說：「講起件事我都覺得有啲醜怪，嗰時（2007年）佢係喺《古惑仔》入面做編輯嘅，你知本漫畫書入面有好多關注『小姐』嘅報導，每一期都會有啲『新女』介紹之類嘅，有一期佢就攝咗我入去。」Rannes表示，雖然當時的文章是介紹她為2017年出道的唱作歌手，文筆也再正常不過，但文章擺位卻易誤導讀者。

「佢將介紹我嘅報導同介紹性工作者嘅報導擺埋一齊。」

文恩澄（Rannes）續說：「其實本來我都唔知，係有朋友話我知我先知，跟住我公司知道咗，以為係我自己搞出嚟，佢唔信呢件事唔關我事，跟住就雪藏咗我一年。我都知佢用意好好係諗住幫我，不過越幫越忙囉，但就未去到反面。」Rannes直言，自始之後的幾年間，她與劉孝偉就未聯絡過，直至2012-13年期間，某一天忽然接到劉孝偉的來電。

劉孝偉電話中自爆曾入青山醫院

文恩澄（Rannes）：「5，6年之後，佢就突然搵我，話自己入過青山一個禮拜，劉先生就話：『我好聰明地令啲人放返我出嚟。』佢又話俾我知嚟緊要搞啲乜，又讀咗社工學位。佢嗰時打畀我，其實係想搵我去做佢工作坊嘅講師。因為我嗰時已經由唱作歌手轉型做拍攝一類嘅幕後，佢嗰時係想請我去分享一下心路歷程。」

講座結束後，原來文恩澄與劉孝偉之間的事也未完結，文恩澄：「我見佢投身教育界，就以為佢精神病真係好返。嗰一年我有一個Offer，就係幫一套懸疑片做導演。因為嗰時我對自己個信心仲未夠，就幫個監製連絡咗劉生，諗住一齊做雙導演。佢都話好嘅，後尾見咗一次面之後，我就奇怪點解冇咗聲氣。隔咗幾個月，我先知佢哋開咗戲，我就好嬲打畀劉生，佢仲好似完全唔記得咗應承咗我做雙導演，仲話傾過想搵我客串，好似思覺失調咁。」文恩澄表示，聽聞該電影最終以爛尾收場，投資者的金錢當然最後也不了了之。

據知情人仕透露，劉孝偉的精神問題早有徵兆。據知幾年前有一次劉孝偉曾用當時女朋友的電郵地址向她的朋友以及朋友，用女朋友的身份冒稱在法國旅遊時遭強姦，但是電郵內亦只是哭訴慘況而沒有要求金錢。第二日劉孝偉的女朋友回到公司後，同事問起才發現原來劉孝偉曾盜用她的電郵。