《陰陽路》編劇劉孝偉走過生死路：找到問題源頭　就容易企番起身

人生總有順逆境。
講死，《陰陽路》編劇劉孝偉最熟不過。年輕時以大玩靈異死亡的《陰陽路》系列打出名堂，在23歲之齡做編導，惟即使順境亦不敵電影低潮，要轉拍三級片兼做小生意，才可維持生活，但最後失敗收場。
遇低潮，生不如死，劉孝偉想過自殺，幸臨崖勒馬，人生大反彈。9年前他重拾課本，修讀兩個碩士學位，又開設社企，從事戲劇教育及年輕人輔導工作，如今更「重出江湖」開拍劇情電影《告別之前》，以另一手法大談生與死，「一係死，一係就活，人生莫過於係咁，如果你要活，就要咬實牙關行落去，正因為我珍惜，所以我唔會選擇死」。

死不去，就打不死，可謂《陰陽路》編劇劉孝偉的前半生。中二輟學後，18歲做記者，但編撰名人潘迪生患癌的新聞令他在行內再無立足之地。及後獲貴人扶持投身編劇，97回歸之時以《陰陽路》打出名堂，揉合恐怖與搞笑元素，深受港人歡迎，成為經典港式鬼片，促成他在23歲之齡做編導，幾年間出產十幾套港產片。他說：「其實真係好彩，一直都唔覺得自己好叻！」

走進低潮　「情況都幾大鑊」

不過，好景不常，2000年電影市道低迷，為努力生存，劉孝偉拍三級片又開水貨店，但3年後都不敵「沙士」的經濟低潮。店舖零生意，無錢供車供樓，「情況都幾大鑊」，當時連拍拖6年的女朋友亦提出分手。

情緒爆煲，他一度想自殺，「想燒炭，行咗區內咁多間便利店都無得買；諗過跳樓，但我住一樓又唔會跳得死；屋企無煮食爐，只有微波爐，無辦法（開煤氣）自殺。」此時，家中寶貝狗走過來向他討吃，心中頓時有了牽掛，就選擇活下來。

一係死，一係就活，人生莫過於係咁。如果你要活，就要咬實牙關行落去，一係你就選擇死，但正因為我珍惜，所以我唔會選擇死。

再出發　「能夠接納自己，就會容易企番起身」

但要活下，需先為自己修補內心傷口。他讀過香港浸會大學社會科學(社會工作)碩士、香港公開大學教育碩士，自我療傷，面向自己，「無人本身係一個衰人，無人本身一出嚟會做錯選擇，當你找到問題源頭，你會對自己接納大咗，明白好多時你只係一個人；能夠接納自己，就會容易企番起身。」

他曾到大專院校教副學士及毅進課程，接觸好多被社會標籤為「讀書唔成、無鬼用、睇唔起」的學生。年輕時的過錯，令他感同身受：「當世界覺得你無希望，你點會有希望。」

創立社企「主力場」

故他決意要扶起這群年輕人，以戲劇令他們找回自己。2013年夏天，他創立社企「主力場」，延續戲劇與教育的社區服務，近年更策劃生死教育，教長者準備身後事，又舉辦跨代交流會，讓長者與青少年討論死亡，還「重出江湖」、由社企及善心人合資500萬元低成本開拍電影《告別之前》，向公眾談生與死。新片將於今年9月上映。

打不死希望觀眾學會珍惜

戲路180度轉變，但都離不開一個死字。劉孝偉都苦笑道，「係囉，唔知呀，可能都命中注定」。他形容以往《陰陽路》式的死，是神秘、靈異兼娛樂性高，「等觀眾驚完又笑番，呀，咁都俾你嚇到」；同時，又滲入說教位，例如《升棺發材》就以殯儀行業為題，「話你知唔好呃人，如果唔係會有報應。」

今次執導的《告別之前》則屬劇情片，要感動觀眾，以三個患有絕症的病人，描繪三種死亡態度：無知、角力、豁達。「人終須要死，你點選擇過每一日呢？故事的人物都有共同點，就係因為某種執著而嘥咗好多時間。」

雖老生常談，但他期望大銀幕前的觀眾，學會兩個字：「珍惜」。