【社區小小事】港產超人為守護童真而戰　最怕家長踢爆係人扮

港產英雄完成一場表演，謝幕下台，從後台出來的，是一班年輕的成員。他們都是義工團體「假面製造」的成員，以往扮日本超人來氹小朋友開心，今日自己創作了港產超人－守武者夢翔，服務對象一樣是小朋友。「其實喺香港嘅日本特攝英雄，接觸對象都係小朋友，所以用返呢個形象去服務小朋友。」成員Jin解釋着。
攝影：梁鵬威

經過了7年義工服務的洗禮，「假面製造」的成員創造出兩位港產超人，名字改作夢翔和勇進，名字隱隱透露出他們對這兩個英雄的期望。

夢翔與勇進

他們從過往的義工經驗中，發現香港小朋友少了歡樂，而成年人也愛將自己的價值觀加諸在小朋友身上。故此，他希望原創的英雄作品可鼓勵小孩有勇氣追尋夢想，「趁未畀社會個大氣氛影響，我哋希望盡量將正面嘅訊息，灌輸畀佢哋。」阿jin說。

3歲定80，指的或不只性格，Jin相信這句話也指影響一生的信念：「我哋今日未必記得，以前睇過嘅作品內有咩人物，但作品中傳遞嘅信念、例如唔好放棄，其實係好細個嘅時候已經建立。」

從「假面製造」，到現在的守武者夢翔，即使比起一般的義工服務要花更多心力，但他們仍堅持以英雄形象現身於小朋友面前。「如果你話要開心、我諗純粹搵一個受過專業訓練嘅小丑扭下波搞氣氛，開心嘅程度唔會比我哋輸蝕。但我哋嘅話劇，係肩負起傳達正面訊息呢個意義，而呢樣嘢其他角色做唔到。」採訪當日，商場表演當天的劇目，正是教導小朋友莫貪心、要與人分享的道理。

家長無心「三字經」撕破幻想

英雄的一句說話，對小朋友有意想不到的威力，正因如此，舞台表演往往是重頭戲。不過，作為表演者，他們最怕不是「dead air」，而是家長無心一句：「唔使驚！台上面呢啲係『人扮㗎！』」

「成日聽到㗎，『頭盔有扣嘅』、『有拉鍊嘅』，聽到真係有啲唔開心。」努力被踐踏固然不開心，但更難過的是，因為這樣一句無心快語，或會為小朋友帶來意想不到的影響。「會令佢對呢啲表演set咗program：扮嘅、假嘅，全部嘢都假嘅時候，已經扼殺咗佢嘅想像空間。」Jin說。

面對這種情況，即使是英雄也束手無策。「因為台上面嘅表演者冇可能出聲話『我係真㗎！』，要靠helper同小朋友講：『真㗎，你幫佢哋打氣啦』，或者用一啲方法引開佢哋注意力，唔好專注喺有冇拉鍊、有冇頭盔扣。」Jin說。

幼稚又如何？

以英雄造型在台上表演，引來途人奇異目光，暗指他們幼稚。對此Jin倒是不介意：「守武者夢翔呢個作品，係打正旗號畀小朋友睇。」

每當自己的興趣被指是「小朋友嘢」，不少成年的特攝迷會忿忿不平，反駁那不是幼稚，「佢哋傳遞好多訊息」，但他們認為，「幼稚」和「傳遞訊息」其實不對立，更不明白為何美式超級英雄未有遭受同樣「待遇」：「點解會覺得呢類作品型？香港有啲女仔見到甚至會心心眼，但就睇低特攝英雄呢？」另一位成員阿花說道。

不過，幼稚又如何？英雄們並沒有介懷。「我哋個服務對象已經係小朋友，所以唔會介意幼唔幼稚、會唔會冇深度。」阿花續道：「無謂扭曲一個作品本身設定嘅對象。係小朋友嘅，認咗佢啦，我覺得OK嘅。」