【唔使賺到盡】屹立灣仔逾廿年　茶記今日向長者派飯：要回饋社區

香港人口老化問題嚴重，65歲以上長者人口比例愈見增長，身處商業社會，當人人都只顧「在商言商」，又有多少人關心長者每天的生活過得如何？位於灣仔的金禾茶餐廳，屹立春園街至今已逾20年，他們眼見區內長者漸多，部分晚年孤苦無依，因此自去年12月開始，每至月底都有一天會免費派飯，冀透過一個個愛心飯盒，向長者表達心意。

金禾茶餐廳店主蔡太接受《香港01》記者訪問時表示，每月一次的派飯行動是在聖雅各福群會轄下機構的協助下進行，餐廳先向機構派發約100張飯劵，讓機構給長者自由領取，並在月底特定日子可以到場換領飯盒。「派劵畀佢哋，我哋就可以預啱飯盒數目，唔使因為整少咗要佢哋喺出面排隊等……喺度廿年有多，算係賺到錢，都想回饋返呢個區！」她表示，透過社福機構派飯，可令不識字「唔識睇通告」的長者也能受惠，而且長者也不用擔心被騙。

除了派發飯劵，該店店門前亦貼有相關告示：「每月最後一個星期五會免費派飯盒給65歲以上老友記。無票可於當日親臨取飯盒。多謝分享」，「我哋每次都係5點半至6點派，老人家早食飯，拎完返去即刻食就啱！」她又指，飯盒是當日新鮮烹煮，並提供數個款式以供選擇，「通常都係煮蒸肉餅、菜、魚呢幾款，淋啲嘅老人家會鍾意食，有骨嘅肉就一定唔會煮，咬唔到之餘又有機會哽親。」蔡太表示，正與其他社福機構洽談合作，希望日後能有更多長者參與和受惠。