【又係領展】沙田新翠街市翻新後「唔見咗」 街坊肉隨砧板上

大埔富善街市翻新過後，面積「縮水」一半，本來屬街市、約7000呎的範圍被領展租予冒險樂園，引來區議員炮轟。不過，「翻新不似預期」的並不只有富善街市，沙田新翠邨整個街市，亦在翻新過程中消失得無影無蹤。

沙田區區議員李世鴻指，新翠邨街市規模本來就不大，客觀來說經營環境亦較差，故早在幾年前，領展已有意將邨內街市改作其他用途：「幾年前佢都計劃緊收返，但冇講實會點安排，冇定案。」領展後來雖有跟部分街市商販續約，但亦將街市部分範圍改租予大型超級市場。

約滿後，商販全數不獲續約，翻新工程亦隨之展開，但想不到的是，工程過後，新翠邨就再無街市。「佢冇對外界表示翻新工程會點進行，我哋都係2、3個月前先知道，剩低個位會開美心。」李世鴻指，當時邨內未有太強烈的抗爭意志，以致沒太多行動保留街市：「領展依家就係盡量唔畀你知佢下一步會做咩，居民不滿會反對，唔出聲嘅話，反響好有限。」

現時新翠邨的居民要買餸，需要到附近的隆亨邨街市，或大圍街市購物。「有個別街坊已經習慣咗，有啲仲鍾意搭車出去買，係有時返到去發現買漏咗嘢麻煩啲。」不過李世鴻指，這仍對邨內的長者或行動不便人士構成不便：「所以之前(新翠邨街市)啲餸加到幾貴都照買。」

對於大埔區區議員任啟邦提出，希望房屋署獨立審查組跟進領展改動街市是否有違地契的建議，李世鴻的態度較消極：「地契上面寫要提供服務畀居民，其實好虛無，上面冇講要提供乜嘢、提供唔到會點、係唔係必須提供。」他認為房署不覺自己有監察領展的責任，而住在受影響的屋邨居民亦是「肉隨砧板上」：「依家冇乜可以做，賣咗出去嘅商場就好似撥咗出去嘅水。」