《蟻俠》香港版？　過萬白蟻兵團「恐襲」打鼓嶺

《蟻俠2：黃蜂女現身》尚未在香港上映，但過萬隻飛蟻昨日卻突襲打鼓嶺！
住在打鼓嶺鳳凰湖村的村民向《香港01》記者表示，昨日傍晚時分屋外有過萬隻飛蟻突然出現，嚇得他不敢打開門窗，有村民更形容情況似拍緊《生化危機》！經專家了解，該些「飛蟻」其實是白蟻，並因正值是繁殖期季節，故「飛」出來找地方交配。專家提醒市民，切勿讓飛蟻「落地生根」，否則隨時惹來全屋白蟻！　

成個露台都係　最少有幾千隻

「我望出窗外，發現不單止我間屋係咁，街外所有街燈都有過千隻飛蟻圍住！」住在鳳凰湖村兩年的陳先生指他從來沒見過這情景。「昨晚大約七時多，本來打算出露台拎啲嘢，一開門發現成個露台全部都比飛蟻包圍着，維持了大約兩至三個小時。之後，那些飛蟻就全部跌落地下，爬到成個露台都係，我估應該有幾千至到幾萬隻。」
 

從陳先生拍攝的片段所見，逾千隻飛蟻圍著露台燈飛，非常恐怖，嚇得他立即關好窗戶。「我哋成條村同埋每支街燈都圍住幾千隻呢啲咁嘅飛蟻，好得人驚。」陳先生待飛蟻落晒地後才敢打開露台門，發現屍橫遍野，部分還未死，惟有立即用水沖走牠們。「都有些漏網之魚入了屋，好彩俾我啲貓貓狗狗食晒。」

折翼入屋變白蟻

香港蟲害管理學會主席陳澤森表示，該些飛蟻其實是白蟻，「睇片不知道是什麼品種，要在顯微鏡下才知道，不過香港的白蟻多數是『台灣家白蟻』品種。」陳主席說，那些都是準備交配的繁殖蟻，長有兩對翅膀，每年四月尾至七、八月都是白蟻繁殖期季節，每逢氣壓轉低就會出來找地方交配。「起飛是因為要避開天敵，例如雞，雀仔等，因為牠們都是趨光性，所以會飛去有光的地方。」

陳又指，牠們都成千上萬出來，專找些潮濕、有木的地方，例如樹木或者木的建築物進行交配。「所以千祈唔好俾佢哋飛入屋，要關好門窗，否則一入屋佢哋就會飛進來，折翼後就會响牆角交配產卵，到時我就多謝你俾生意我做了。」

對付這些成千上萬的「異軍」，有何處理方法？「中國人好精，古時會在月光底下放一盤水，水反光，啲飛蟻會一頭栽下去。現代人仲簡單，開著露台燈，再在燈下放盤水就可以。再唔係，香港現在咁熱，關門關窗開冷氣，就飛唔到入來了。」