【炒股90後】上堂𥄫股市、炒孖展　3日賺1萬 ：勞力只是出賣時間

樓價貴得可怕，讓年輕人有一種「有樓，冇樓，將來嘅生活都會好慘。」的想法，冇樓要瞓街，租屋一世幫人供樓；有樓，注定一世被困做樓奴，以致年輕人對美好生活失去想像，因為恐懼覺得腳踏實地行不通，求學時期經已做「股神」。
Stephen（25歲）就是其一。大學時期開始炒股。第一次炒股，將兼職得來的5萬積蓄All in，又炒孖展，曾經三日賺一萬，又曾一下子炒燶蝕到渣都無，還欠債。但他依然說：「冇股票，我連最後的希望也沒有。」

刻板兼職認清方向：我不想成為齒輪

沒有人一開始就看清現實，這都是由社會環境漸漸塑造出來的。Stephen的成長過程裡，沒有逼迫他讀書考高分的爸媽，也沒有明確的目標或志願。Stephen一向成績一般，到了中三領略分數的重要，學習變得「有目的」：「開始知道咩叫會考，知道分數的重要，唔好睇啲同考試無關嘅嘢，都會覺得自己有啲功利。」當時學生單純地以為讀書是帶來希望。

中五暑假，他為了賺錢去旅行，第一份工作是便利店的店舖主管。刻板工作枯燥乏味，他盟生「我不想成為齒輪。」的想法。大學一年級，Stephen在連鎖玩具店兼職，每天站在門口說「歡迎光臨」。同事很滿意這份「Hea住做」的工，他倒覺得自己單純出賣時間換取金錢，做了兩個月就辭職。

後來他憑著自己變魔術和扭氣球的才能，得到一些演出的機會，1、2小時就能賺取800元，亦能得到滿足感。自己的收入比同輩可觀：「人哋可能返兩日先搵到，當時個心覺得搵錢好容易。」直至接觸股票，他才知道「錢搵錢」的方法比有份高薪職業更加有效率。

大學全民皆股   上堂個個睇股票圖

2015年正值「港股大時代」，也是Stephen開始接觸股票之時。當時港股日均成交超過2000億元，彷彿只要買股票就能賺錢，進入了全民皆股的時代，Stephen身邊的朋友、同學也不例外。「你見隔籬條友仔，可能平日傻更更，有一日同你講，喂我買咗隻股票，賺咗幾千蚊、幾萬蚊，夠我去個旅行喎。」

當時，無論是哪科目的課堂，演講廳暗地裏變成香港交易所，同學電腦上瑩幕上顯示的不是課堂筆記，而是股價圖。男生們都在女生面前以炒股賺錢來炫耀。課餘時間，朋友的話題也離不開股票：「大家都喺度講。其實大家都唔清楚金融、股票係啲咩嚟，但係就大家鬥吹，我識㗎，我覺得佢會升！」

輸錢皆因贏錢起  

好勝心混以大學炒股的風氣，令Stephen「落搭」，加入這個炒股票的行列。初步了解股票概念，Stephen卻賭神上身，All-in所有積蓄，投放5萬元落股票市場：「覺得嬴得到，輸得起，還得到。」

新手Stephen半知半解，憑著感覺選股，三日之內竟然賺1萬，原來揾錢不需花一滴汗：「嗰時個心當然就雄咗，就去搞啲更加高風險嘅投資工具，例如窩輪牛熊證。」Stephen將賺來的錢繼續投資，股價每分每秒跳動，Stephen上課也機不離手，牛眼般瞪著瑩幕上的數字：「5分鐘入面，睇住佢由賺變蝕，5分鐘之後，又由蝕變賺。」

當積蓄在股價跳動的瞬間變成一個隨意跳動的數字，錢不及一疊疊紙鈔的重量。Stephen開始迷失在這場股票遊戲之中：「係有啲當局者迷，睇住啲錢蝕咗唔係好覺，5萬蚊跌落4萬，等陣又升返上4萬7，下一分鐘又跌到落3萬蚊。」賺、蝕、賺、蝕，Stephen沒有感到焦慮，反而長期都處於亢奮狀態，過了一個多月才發現已經蝕了3成。

當錢賺得容易，他以為會像雪球一樣滾下去，誰知，一下子溶化漏去了。Stephen竟然向銀行借孖展：「本唔夠大，返唔到上去，所以就去借孖展。」孖展，簡單來說就如向銀行或證券行借錢買股票，增加自己投資的金額以賺取更大的回報。結果，兩、三個月內股市下挫，Stephen投資的積蓄一下子蒸發之餘，還欠下銀行2、3萬元的債項。

Final Year負債2、3萬

這2、3個月，積蓄的升跌有如過山車，最終股市大挫，負債收場。Stephen還是要清醒過來，面對債項。Stephen不想麻煩家人，除了自己平時返工賺取生活費之餘，更要賺還債的錢：「嗰時會好焦慮，成日諗住條數。自己半工讀，仲要負債。好多挫敗感，覺得自己無得再衰。」

大學最後一年，他一邊應付學業，一邊到處尋找演出機會：「一放學就趕去返工，做到夜第二朝又返學。有時完咗場Show都會諗，人生係咪真係咁艱辛。」他最終用了約1年時間，才還清炒燶股票的債項。

縱使經歷蝕錢、負債，Stephen還是選擇繼續投資股票搵錢。畢業後工作一年多，Stephen將自己所有的積蓄押在股票上，原因不再是好勝心作祟。投資股票成為了Stephen的興趣，也是助他創業、買樓的工具。下文再續。
 

【炒股90後】瞓身炒股　只為買樓、創業：冇股票，連最後希望都冇