【馬鞍山礦場】4間課室的山上學校　足球隊出城次次輸24支汽水

50年代，國共内戰後，內地大量難民來港，部分難民在馬鞍山村落腳生活，在礦場裡當礦工。高峰時期，這條村住上5000人。那年頭生活艱苦，村內有兩大教會辦學，讓礦工子女能免費接受教育。其中信義學校只有4間課室，5個老師，60年代6個年級加起來也不到100人。到了1967年，畢業生也只有8人。1976年，學校隨著礦場結業也一併結束。約在50年後，50、60歲的舊生和老師再次聚首一堂，說起往事時七嘴八舌，爭相自認最乖，回憶當年在山上物質匱乏的小學生活。

五十年代國民黨黨員國語授課 

50年代在信義學校讀書的饒玉龍說，早期在這裡教書的老師都是講國語：「全部都係北京人，講北京話好標準。逃難落嚟，不過識幾個字就去咗教書。」後來，有些逃難來港的國民黨黨員申請去台灣，學校的老師離開，後來再新請一些本地的老師，學校才變成廣東話授課，1963年來的陳老師便是其中一位。

坐船橫越吐露港、交通車上山

74歲的陳寶玲老師，當年家住太子道，每次來學校都要花上一個多小時，先坐爸爸的私家車到沙田，然後再坐半小時船到馬鞍山碼頭（現時恆安邨的位置），再坐礦場的交通車上山：「15分鐘啦，走咗7點9歌（嗰）班就要行上去。好登（顛簸）㗎，登到死 。」那時上馬鞍山村還未有車路，進村教書山長水遠。學校有宿舍提供，陳老師每逢周末才回家一次：「無短週，全部都係長週，禮拜六下午回家住一晚，禮拜日又返嚟。所以係好艱辛。」舊生梁文勝也說，小學時期，一年才會出沙田一次，算得上是大事。

為何陳老師仍然會來馬鞍山村教書？「因為喺出面搵唔到嘢做囉！」1963年，陳老師在柏立基師範專科學校畢業，到了學校開課時還未找到工作，就去了教育署。她還記得，當時有5個準老師來面試：「因為佢要音樂老師，咁我識彈琴，所以就請左我。」

4個課室教6個年級複式授課    舊生：「證明我哋好乖」

結果，陳老師誤打誤撞就來了信義學校教書，除了音樂之外，陳老師還要教數學、中文：「咩都有教吓，都係啲普通科，就係無教英文。」這裡只有4個課室，卻有6個年級的學生，老師需要「複式授課」，一個課室內有兩個年級的學生，老師教完一班，那班就先做功課、作業，老師同時再教另一班。舊生梁文勝就笑道：「以前（低年級）聽過晒，高班就可以瞓覺。」陳老師就說：「唔係個個都聽過記得。」「做作業都做唔切啦，你有你講我有我做。」饒玉龍說。 

在師範的日子無學過複式教授，陳老師也是無師自通：「無學過複式教授，全部都係自我發揮。都無用到啲咩教學法、教具，全部都係傳授書本知識。」兩班一起上課，課堂秩序不會很難維持嗎？老師還未回答，舊生廖鳳嬌就說：「咁樣證明咗我哋係好乖啦。」在這裡教書勞氣嗎？大家立刻回應：「我唔曳㗎！我都唔講嘢嘅！」舊生們自認最乖，陳老師才緩緩道出：「其實對我嚟講就有（勞氣）嘅。」

被老師搉頭殼：「街市！街市！」

這班大細路有沒有被老師罰過？梁文勝依然記得被搉頭殼的經歷：「嗰時一年級咋嘛， 寫個9字唔識寫，寫極都寫唔到。畀校長搉頭殼係咁講『街市、街市』！嗰時聽唔明佢講國語，其實佢係講『該死、該死』。」本來廖鳳嬌一開始還說：「我係被打過一下手板啫！」聽到文勝的經歷後，廖鳳嬌就立刻補充：「啊！有啊有啊！佢都用過枝竹搉過我㗎！」

鄉下仔出城　身在標準球場「落到去都唔知企邊度 ！」

這隊波說不上是正式球隊，加上劉老師才剛好11人：「都無咩話練波㗎啦，只係比較正式學吓點樣踢波。」例如，老師會在樹上綁着足球練習頂頭槌，或是讓他們練習傳球等。後來，文超畢業了，13、14歲的他在山下的車房工作，認識一班也喜愛踢波的車房工人。終於，信聯足球隊和一些舊生一起出戰，去青年會在烏溪沙的標準球場比賽。

球隊猶如鄉下仔出城：「去到直頭呆咗，落到去都唔知企邊到，未試過打咁大嘅場。」別人穿著釘鞋，文超卻是穿著白飯魚：「所以大家一搶波，都唔夠膽去掂人哋隻腳，因為佢哋啲鞋有釘，驚佢踩落嚟唔掂架嘛。」結果第一次比賽11比1，信聯慘敗而回：「打到好辛苦，又落雨。輸咗個個都頭耷耷。」

屢戰屢敗  次次輸24支汽水

輸掉比賽，文超他們還要買24支汽水給勝方：「一定又要打汽水，先有啲衝勁。我哋而家輸咗，又要買汽水畀人飲，又要托埋比人，又要輸。真係無晒面子！」  如是者， 這隊信聯足球隊繼續越級挑戰20多歲的球隊：「因為我哋都想要贏返佢一次，威返一次，要面。無理由次次輸比你！」結果，信聯屢戰屢敗，屢敗屢戰，6、7年過去了，始終沒有贏過一次：「始終都係贏唔到佢哋，都有啲遺憾。不過，就算輸波都開心。」 

這些舊生本來已經失去聯絡，直至近年基督教香港信義會鞍山探索館展開保育和記錄礦村歷史，編成《礦山記憶：鐵，不一般的故事》一書，這班舊生、老師才重新聯繫在一起。廖鳳嬌說：「就算唔係搵返佢哋，呢揸同學、鄰居係記住㗎，記住佢哋好開心㗎。」