【豆本】新手媽辦扭蛋小書《蛋誌》撐六年：每年都想下年唔做
每次走進Kubrick書店，就直衝到上層的歷史角落裡尋寶，但總有一個位置讓筆者駐足而觀－－就是在門口附近的扭蛋機，因為扭蛋內的，是書，正確點，叫豆本。
途經的人通常拋下一句：「又幾得意喎」，然後轉身離開。說是書本，它又不足以讓你翻揭一整天。說是扭蛋玩具，它又不是用來裝飾或鎖匙扣。這個藏於扭蛋之中，只得45毫米以內的袖珍書本，到底如果利用小空間發揮大理念？
始於日語的豆本（まめほん），意指尺寸非常小的印刷品，亦即是迷你書。以季刊形式推出的《蛋誌》，小書全放於扭蛋中，用的是書本藝術（Book Art）的概念，每期都由八位藝術工作者共同以一字為題，各自製作，形式材料不限。可以說是書，也是藝術品，只在於你用甚麼角度去欣賞。
迷你書與「迷你香港」
《蛋誌》的創辦人黃天盈（Tiana），是書本藝術家，也是一位新手媽媽。一次遊日拜師之旅，意外發現了書店用扭蛋機賣豆本，於是想將其引入香港。香港這個彈丸之地，空間雖小，人多創作力亦高，與迷你書的概念不謀而合。「造書需要嘅工具好多，喺香港唔係個個都有能力租一個地方做art work。就算唔計錢都要有地方擺，所以只能做小本嘅。而且大書要做一個多星期，幾萬字嘅內容，幾十張圖。依家只需要少量信息，已經可製成一本書，係好有滿足感。」
從怕「乞食」到找對路
Tiana經常被問到喜歡製作豆本的原因，她想了又想，說與書結緣大概跟家人有關。父親是記者，母親是編輯，家裡全是書，她笑說是要「爬山先入到屋」的那一種。 從小被書本包圍，潛移默化下，亦愛上了書本。「你本來係唔察覺，後來先變得越嚟越重要。當你發現鍾意嘅藝術同書本可以合併，咁咪好High囉！」外表沉靜的她，訪問中不時說出惹人發笑的話。
本來修讀商科的她，其實心裡鍾愛的是畫畫和藝術。香港地，人們總認為做藝術等同於「乞食」。Tiana的父母亦不例外，故此她不敢選擇與藝術或設計相關的科目。畢業後，做了幾年跟行政有關的工作，她笑稱：「一睇我個樣就知唔啱啦，錯晒啦。」每天準時上班下班，從不OT，就是為了晚上參加不同的藝術工作坊。「做得唔開心，根本唔知返工為咩。」後來她參加了YMCArts的「自發作」書展，出版了人生首本著作。亦正因如此，她毅然辭職，重返校園修讀藝術。
「灰底」藝術家 心情越差越要看悲情戲
對創作人而言，資金未必是最逼切的一環，靈感才是欲求之事。《蛋誌》定期要推出作品，她坦言有好亦有壞。有時根本無暇創作，有時卻反成動力。Tiana自言「灰底」，平日以寫詩抒情居多。「就算唔關愛情事，都會寫成情詩。因為同朋友相處好似談情咁，家人之間亦係愛，生活上物質嘅執著都係離不開情。」曾經有剛認識的朋友對她說：「明明溝通時係好笑嘅，但點解你嘅作品都咁灰？」如此的反差，她笑言會偶然創作帶勵志的題材，不然會「很危險」。
豆本製作重點非技巧
問到造迷你書最困難的地方，Tiana直言並非技巧，而是創作力。造書是一門專業，但明白到本地的作者缺乏造書能力，再加上成本上的考量，「外國嘅迷你書一本可能百幾英鎊，但香港只係幾十蚊，係無理由整成百幾英鎊嘅質素。」至於題材上，Tiana指會保留自由度，讓大家盡情發聲，「政治敏感、三級內容基本上唔會過濾，但過唔過到書店嗰關就要自行承受後果。」她亦常提醒作者：「你做出嚟嘅，讀者願不願意花錢買你嘅作品？如果只係爛紙搓埋一舊，有邊個會買呢？」然而努力創作，卻換來不少人有這樣的誤解：「咁嘅嘢都叫書？」、「咁唔抵嘅，得幾頁紙同得幾粒字。」她盼望，迷你書雖不如以往的呈現方式，但希望「另類」之餘仍有文學內容。
除了能放進扭蛋的小書，Tiana亦擅長製作大一點點的迷你書。訪問當天，她示範了如何由零做起。
「會唔會做唔住？經常都做唔住㗎。」
書本與藝術，兩種旁人看來有價值卻又不值錢的事。Tiana憶述當年家人對她的一意孤行甚有微言，她卻直言反駁：「你做記者都唔穩定，做咩要求我穩定？我唔係未試過，但真係唔work，現在餓又餓唔死，但係自己鍾意做嘅事。佢哋見我都未死得，後尾都接受咗。」
《蛋誌》至今創辦第六年，無賺亦無蝕，「會唔會做唔住？經常都做唔住㗎。」為了繼續投入創作，只能靠外面教畫畫、教手工書的工作來幫補生計。「有無諗過放棄？」「其實每年都想下年唔再做。一來作者都唔捨得，二來自覺似呀媽咁，生得佢出，就要負責任。既然都開始咗，就睇捱得幾耐嘅感覺。」營運《蛋誌》，由創作、追稿、設計、宣傳、交收、會計、運輸⋯⋯多重工序，筆者好奇有多少人共同處理，「暫時嚟講係只有我一個人做。」
付出和收成不成正比，為何仍要堅持？大抵就是喜歡，一個純粹而無從反駁的理由。
《女生》總在你身邊，請立即下載《香港01》App