開Live唱《洗剪吹》被彈吃力　吳浩康豁達：有心理準備面對唔同人

吳浩康(Deep)入行15年是唱得之人不容置疑，雖然以往大眾將焦點放在他的負面新聞上，但他一直堅持做音樂，讓大家仍然聽到他的歌聲。由上年ViuTV節目《ShowTime我主場》，再次讓人記起他是實力派歌手的身份。而且吳浩康經常在facebook自彈自唱，開直播歌唱節目《DeepNiteShow》，吸引大批支持者，單是昨晚的直播就有21萬人次瀏覽，成績非常好。

昨晚吳浩康的《Deep Nite Show》主題是「遇上吳浩康」，阿Deep一改以往自彈自唱的形象，以MMO伴奏不受以往樂器彈奏的限制，唱出更多fans希望聽到的歌，阿Deep的確好錫fans。

吳浩康在Live中唱出久違了的首本名曲《洗剪吹》，一眾網民都「心心眼」，留言話：「太正了！百聽不厭！」、「感覺返晒嚟！」等等，而吳浩康亦有點感觸表示：「我唔知大家有幾想聽，不過我真係好想好想唱，其實唔單止係餓緊大家，我都係餓緊我自己，都同樣難受，每個禮拜都唔可以唱《先入為主》同《洗剪吹》，希望大家俾我發洩一下！」

吳浩康賣力唱出首本名曲，保持到一貫水準，真假音都非常穩定，不過有網民留言話：「太耐冇唱？唱得有啲吃力」吳浩康有點感慨回應：「邊個男歌手唱洗剪吹係可以唔吃力嘅，你介紹俾我識下。我都謙卑咗好耐喇，我都想寸一句，邊個唱《洗剪吹》係可以好輕鬆嘅你話聲俾我聽。我都係想唱隻好歌俾大家聽啫，吃唔吃力我唔知道，我只不過係賣力啫。」

吳浩康見自己有點激動都道歉說：「咁用心演唱之後係一個挑剔真係有啲火，唔好意思。」

唱完《洗剪吹》後，吳浩康唱出《先入為主》、《棋王》、《自卑》、《討厭》等經典作品，普遍網民留言都正面，支持阿Deep唱出更多「集體回憶」。可是仍然有網民重提吳浩康以往的負面新聞，甚至不斷派「嬲嬲」。面對批擊吳浩康態度豁達，還說笑：「嬲嘅朋友都share個live出去，如果唔係你朋友唔知你嬲乜㗎。」