送餐不慎弄污食客鞋子　侍應發文呻被索賠100元　網民意見兩極

對服務業從業員來說，與客人溝通可能比工作更辛苦。有餐廳侍應昨於facebook群組發文，稱送餐時不慎以瑞士汁弄污食客的鞋，她提出免費用餐作賠償，惟對方拒絕，更一度要求賠償700元，後來改為要求賠償100元以購買清潔劑了事。
樓主事後感到「被屈錢」，抱怨「我哋啲錢都係辛辛苦苦賺返嚟」，期望大眾能體諒服務業從業員的辛酸。帖文引起網民熱議，有人認為樓主應將事件交由上司處理，而非私下賠償；但有網民則認為樓主為錯失負上責任是理所當然。

下載「香港01」App ，即睇城中熱話：https://hk01.app.link/l7U1Y7t5LO

有女侍應昨於fb群組「巴打絲打 Facebook Club」發文，稱前晚（5日）約8至9時繁忙時段期間，為4名食客送餐時「唔小心灑咗幾滴瑞士汁」於其中一名女食客的鞋上。樓主當時已即時道歉，並送上紙巾和一杯水供對方清潔，剛巧當時有其他食客「落單」，她便前往工作。

其後被弄污鞋子的食客向餐廳經理投訴，要求賠償700元，樓主為了息事寧人，遂提出免費請涉事食客用餐了事，但對方的同行友人即表示「唔係請唔請食飯嘅問題」，改為要求樓主賠償一枝價值100元的清潔劑，又稱「你唔信我就你自己去買」。

樓主最終賠償100元平息事件，但她仍感到不忿，「佢地4個人只係食咗2個餐，總值$104」，她又貼出有關食客的相片，並指「我哋做飲食業，有時太忙可能會做錯少少嘢，但係呢個並唔等於我哋會因為做錯少少事而要畀人屈錢」。她期望公眾能「明白我地呢啲服務性行業嘅辛苦之處」，直言「我地啲錢都係辛辛苦苦賺返來」。

帖文引起網民熱議，有部分網民認同樓主說法，認為涉事食客刻意為難樓主以獲得賠償，「著得對鞋出街預左，要乾淨既話對鞋掛係身，赤腳走」、「我賠700，但對鞋的擁有權歸我有，我要佢地即時無鞋著住走......」，又有人指出樓主不應私下與食客解決事件，反而應交由上司或僱主處理，「工作時間出錯理應公司負責，唔代表客人可以直接向員工收錢」。

不過亦有網民指，樓主弄污客人的鞋屬犯錯，對方要求賠償算是合理，「放過你係人情，賠返錢係道理」，「人地又無獅子開大口，有咩問題先」；亦有網民批評樓主工作期間犯錯，事後再貼出食客相片公審是「一錯再錯」，直斥她「就算自己有幾錯都唔應該影個客人相，你有無職業道德」，「將心比己，個客要求唔過分，點解要影人相去公審人」。

（fb群組「巴打絲打 Facebook Club」）