餐廳侍應稱遇麻煩客　手工啤飲幾啖嫌重口味　埋單才指漏上餐湯

餐廳客人多，但麻煩的客人更多！有位稱在餐廳工作的女網民近日於facebook專頁「西客之道 Hlspitality Secret」分享工作見聞，表示自己遇上麻煩客人，不但嫌棄已開封的手工啤酒難喝並要求轉換其他啤酒，最後更在餐廳準備關門請客人埋單時，他們才指侍應漏了上餐湯，該網民最後唯有多給2枝啤酒打發客人，並在帖文埋怨道對方不及早提醒漏單：「拖到最後臨收工先講出黎！擺到明R（𢱑）嘢飲！」不過有網民認為餐廳漏單在先，雙方也有錯，「打和啦！Super」。

下載「香港01」App ，即睇城中熱話：https://hk01.app.link/l7U1Y7t5LO

日前一名在餐廳當侍應的女網民在fb專頁「西客之道 Hlspitality Secret」發帖，大呻自己遇到一枱麻煩客人，當中一名客人先到，叫了一枝手工啤酒，豈料他喝了幾口後竟向樓主稱啤酒太重口味，已經不想再喝，更要求換其他啤酒。

樓主當時心中不禁抱怨：「嗌咗嘢食唔啱口味就換得，你唔去7仔打開雪櫃每枝嘢飲奶一啖直到搵到你啱飲嘅為止？」，她無奈地向客人建議換其他牌子的啤酒，幸好對方接受。

其後該客人的朋友們都到齊，他們3人共享一個二人套餐。當餐廳還有半小時就關門，樓主於是趕快地替該枱客人碌卡埋單，樓主遞上帳單時，其中一人竟表示侍應漏上2碗餐湯，更質疑：「咁你哋個二人套餐其實係有啲乜？有冇嘢飲？會唔會仲上漏咗嘢飲畀我哋？」

樓主即時向客人道歉，表示可能同事太忙漏單，並解釋套餐不包括飲料，更建議用外賣盒裝起餐湯，讓客人帶走，但他們拒絕，堅持要轉成其他飲料，樓主怕他們鬧事便多給2枝啤酒打發他們離開。

不過樓主後來在帖文訴說不滿：「得嗰幾行字，自己唔睇清楚個menu（餐單）寫咗啲乜！？知道漏咗湯唔即刻同我地講？中間埋檯咁多次幫你斟水又唔同我地講！？」她續罵：「拖到最後臨收工先講出黎！擺到明R（𢱑）嘢飲！」

有網民表示樓主的做法善良，「你哋真係太好人，枝酒飲過都肯換。」但亦有人認為是餐廳職員有錯在先，客人開聲反映正常，「漏單都可以X返個客唔出聲，出聲又話人哋催你，想點呀？」有網民更笑言既然雙方都有錯，一於打和了事，「打和啦！Super」。

（fb專頁「西客之道 Hlspitality Secret」）