男友賭波輸身家　要求未婚妻代付結婚禮金　網民：嫁畀賭仔實後悔

沉迷賭博輸身家，分分鐘連人生大事都告吹。有女網民近日在香港討論區發文，指男朋友向來有賭錢習慣，本來他們正籌備婚禮，不過男友卻因上星期賭波「輸晒身家」，說好的夢想婚禮告吹，對方還要求她代付禮金，樓主直言「真係諗起都好失望，但我真係好愛佢」，遂向網民尋求意見，「唔知幫唔幫好？」

下載「香港01」App ，即睇城中熱話：https://hk01.app.link/l7U1Y7t5LO

一名女網民前日（26日）在香港討論區，以「男朋友賭輸波叫我幫佢出住禮金先，幫唔幫佢好？」發帖，指男朋友向來有賭錢習慣，最近英超開鑼，男友亦有投注，「佢成日係又買唔係又買」。上星期男友聽從朋友意見，「話九成中就all in（瞓身）咗」，怎料結果卻是對家獲勝，一夜間「輸晒身家」。

女網民續指，本來兩人正籌備婚禮，「宜家咁樣輸一輸，咩錢都無晒，之前諗好晒果啲dream wedding（夢想婚禮）都無埋」，令樓主非常失望，「但我真係好愛佢」。數天前男友問她可否先代付禮金，承諾日後會還錢給她，「佢話唔想令我失望，想婚禮如期進行」。

樓主感到迷惘，於是上網尋求意見，她指男友為人很老實，「但要我借錢畀佢嚟結婚，好似貼埋大床咁結婚」，又擔心「有一次就有第二次，下次再賭輸波都唔知點算」。

帖文引起網上熱議，不少網民都直言「當然say no」，又指絕對嫁不過，「嫁畀賭仔你實後悔」、「咁容易賭身家，到其時結咗婚你打工幫佢還債啊」、「借得一次一定有下次，借錢畀賭仔只會害了佢」；另有人稱「燈神嚟，以後買對家」、「九成贏都要輸，他命欠缺運氣，日後生活必辛苦」。