【食記】低卡迷你杯麵食完唔罪疚　怕肥餓底恩物

不論男女，好多人都因為怕肥、怕唔健康而壓抑自己對杯麵嘅熱愛。近日行超市就見到呢款「迷你杯麵」，細細個，而加卡路里相當低，每杯只有151-155kcal，完全係為怕肥餓底度身訂造！
攝影：蔡欣恩

幾時都話「少食多滋味」，偶爾食少少Junk Food無傷大雅。由「東京拉麵」出品既迷你杯麵，最大賣點係夠細，份量係一般杯麵一半，熱量更加只有151-155kcal，係普通杯麵嘅1/3。

產品理念係想做畀小朋友食嘅小吃，不過都非常適合打工仔買返公司補給乾糧，朝早趕唔切買早餐可以食，OT食得，口痕都食得，食完唔會有罪疚感。

迷你杯麵系列有6款口味，香港一間超市就引入3款：香蒜辣油意粉、豬骨拉麵同雞湯拉麵。

迷你杯麵有驚喜！按圖看試食報告：

迷你杯麵$16.5/3個，一田超市有售。