政壇諸事町︱柯創盛去鯉魚門落區　餐廳巧遇鄧炳強即「打卡」

民建聯立法會議員柯創盛出名地區工作紮實，今日（2日）又落區聆聽市民對民建聯土地房屋倡議的意見。鐵人者要醫肚，「柯仔」到一間茶餐廳用餐時，巧遇保安局局長鄧炳強，即時找局長「打卡」。

民建聯早前發表《施政報告》建議，提出三年上樓、助青年置業及告別劏房三大目標，包括在長遠房屋策略加入公屋「三年上樓」政策目標，又建議制定新的房屋需求推算方程式，料屆時公營房屋供應量增至每年4.5萬伙，當中3萬伙用於公屋「三年上樓」，1.5萬伙居屋用於青年人置業。

柯創盛是今次政策倡議者之一，他在發表建議後，亦有落區聆聽市民意見，今日就聯同黨友曾榮輝到油塘及鯉魚門，順道去自己至愛的茶餐廳飲杯檸檬茶、食個多士醫醫肚。

「咁啱得咁橋」，柯仔在茶餐廳遇到鄧炳強，即時找他「打卡」，局長亦好親民齊齊合照。柯仔話就話，今次真係「一樣的愛國心，不一般的緣分」。