【樓市疫境】荃灣中心「縮則」戶照殺！　365萬沽兩個月賣平10%

「武漢肺炎」疫症持續，不過有買家無懼風雨，繼續入市。美聯物業鍾家豪透露，荃灣中心4座頂層連天台「縮則」單位，實用面積233方呎，最新365萬元成交，呎價為15,665元，屬屋苑今年最高呎價成交。

所謂「縮則」單位，普遍位於地下或頂層，如頂層部分單位因遷就升降機設計，機房位置對開單位出現「縮則」，即實用面積細過樓下標準單位。代理指，買家見屋苑近期成交轉旺，盤源開始短缺，急不及待縮則單位都照買。

荃景圍8日最少錄22宗成交

他又指荃景圍一帶各上車屋苑過去8日最少錄22宗成交，見肯減價的盤源已不斷被買家吸納，料筍盤會買少見少。值得留意的是，同呎數同類單位去年12月底造價曾達407萬元，呎價17,468元，相隔兩個月賣平一成。