寵愛Pet Pet丨梁雯蔚小背心勁吸睛 狠摑林夏薇獲好評：打人唔過癮
撰文：吳子生
出版：更新：
梁雯蔚(Sandy)今日（21/8）現身葵涌出席無綫熱播劇集《寵愛Pet Pet》傳宣造勢活動。提到在劇中一登場就憑緊身小背心大曬驕人身材成功搶鏡，加上大罵林夏薇狠摑對方，網民睇到留言大讚打得好。
Sandy受訪時表示：「其實喺呢個造型上監製係畀咗好多心機，要求呢個角色嘅身材突出少少，變咗大家會睇到有啲小背心嘅出現，而我都有睇網民嘅留言，咁所以我都好滿意自己嘅表現，都符合自己嘅預期。」
Sandy續說：「好記得打林夏薇嗰場戲係我拍呢套戲嘅第一場戲，而喺拍之前我係好驚，唔知點樣打，因為我從來都冇打過人。不過薇薇佢就叫我放心咁打落去，我就用咗8成嘅力就一下打過去，就係咁只係拍咗一次，導演就收貨，好彩唔使再拍，事後我都唔好意思見到佢塊面紅晒，其實打人都真係唔過癮，壓力都真係幾大。」