香港小姐2023｜黃泳嘉吹牧童笛 被批差過小學生：阿爸話似噪音
撰文：吳子生
出版：更新：
《2023香港小姐競選》日前官方上傳了16位港姐佳麗才藝表演的練習短片，其中2號候選佳麗黃泳嘉（Jessica)就揀選了「小學雞必學」牧童笛，吹奏一曲《My Heart Will Go On》，好多網民睇過之後，狠批她準備不足，表演是是旦旦，並留言：「連小學生都吹得好過佢，而且好多音都吹錯。」
今日（18/8）2號候選佳麗黃泳嘉（Jessica)現身銅鑼灣出席港姐活動，就事件回應：「本身我係諗過表演魔術，自己又冇學過跳舞，同埋唱歌又唔叻，於是我就喺屋企搵咗支我細過學過嘅牧童笛用嚟表演。（網民話你比小學生吹得差！）其實我細過嘅時候都吹得唔叻，而之前我喺屋企練嘅時候，我阿媽都問我係唔係拍緊笑片，連我阿爸都話似噪音，所以我係明白有啲人會有呢啲感覺。不過自己都明，自己嗰日係可以表演再好啲嘅。」