鄧凱文香港小姐2023｜Eris跳櫈仔舞　被指舞姿生硬：我都冇辦法

候選佳麗鄧凱文（Eris）今日（4/8）現身銅鑼灣出席《2023香港小姐競選》宣傳活動。對於日前官方上載她才藝表演大跳櫈仔舞短片到社交平台，令不少網民眼前一亮，大讚舞姿性感撩人，但亦有網民嫌舞姿動作生硬，欠缺自然。

Eris接受《香港01》訪問時表示：「其實我揀呢個表演，我係好勇敢，因為我本身唔太識跳舞，同埋要着高踭鞋跳，對我嚟講主要係挑戰自己，而我都盡咗力，但人哋覺得唔好，我都冇辦法。事後我都有睇過條片，我覺得自己係有進步空間，如果同其他佳麗比，我絕對比唔上佢哋，但係我就戰勝咗自己。」