吳若希努力餵人奶　體重急升照著低胸tee：我是13kg 的水腫

吳若希上月誕下女兒Giselle（淼淼），一直專心湊B，全力餵人奶。她一直在instagram分享湊女大小事，曾透露淼淼好大食，餵了足一個鐘奶。男友Alex Ho亦有幫手湊BB，連Jinny都話「個女扭計扭左成日，爸爸抱即刻靜晒」果然湊女都有板有眼。

Jinny昨晚分享自拍照，戴黑照穿低胸tee，透露陀B時體重上升︰「偷偷告訴你～ 我不是胖，我是水腫！64kg-51kg=13kg⋯⋯13kg 的水腫！」堅稱自己只是水腫的Jinny更加hashtag「#笑個坐月媽媽肥原來好缺德」以後不敢取笑做了媽媽的家姐，坦言生了淼淼才體會媽媽的偉大。不過網友都讚Jinny仍然好靚女，望落唔似64kg，仲好期待Jinny的復出。

爸爸Alex昨晚亦有分享淼淼的雙腿新相，自言患上「戀腳癖」︰「最近得到戀腳癖！成日好想捉著淼淼隻腳鍚鍚鍚鍚！」他特別澄清不是戀媽媽Jinny隻腳，又賣口乖讚女友對長腿都好靚。做爸爸媽媽一定最錫自己小朋友，連Jinny都忍不住留言︰「我係聞佢全身～～ 因為佢全身都好正！」