吳若希囡囡乳名叫「淼淼」 直言：要縱到佢有公主病！
撰文：溫菁莉
出版：更新：
日前升格做人媽咪的吳若希（Jinny）誕下女兒Giselle後，現在還在坐月的她雖然到9或10月先復工，仍然好積極更新Instagram，而男友Alex今日下午在IG上上載B女的照片，留言話感激大家的祝福，透露湊 B有點辛苦但過程是開心的，期間還透露女兒除了叫Giselle之外，仲可以叫佢嘅乳名「淼淼」！
愛女心切的Alex其後表示知道外界對女兒都充滿好奇，希望外界給一些空間給「淼淼」，「現在，將來都沒有任何嘢比她對我們來說更加重要。我們想「淼淼」在一個更自由，開心，健康快樂的環境下地成長，所以希望大家給予小女多一點空間，多一點自由既空氣～感激感激！多謝」不少fans見到都表示理解，但就紛紛留言問點解女兒嘅乳名叫「淼淼」。翻查字典，「淼」字解作「水多遼闊之貌」，個名好聽之外原來都好有含義。
而新手媽咪吳若希亦在facebook寫下：「媽咪對你唔住⋯⋯ 係媽咪縱你縱到你訓唔慣床！係我錯！！以後我攬住你訓啦」，之後仲話：「我要縱到佢有公主病。」只能講一句，真係辛苦Alex啦！