吳若希上載女兒腳印照 透露五官似足男友：唯一似我嘅係下巴！
撰文：溫菁莉
出版：更新：
今早正式升格做人媽咪，誕下囡囡Giselle的吳若希，生完BB唔夠24小時，晚上她終於更新Instagram，她在IG上載了一張囡囡的腳印照，並寫道：「我個乖豬今日出世啦～雖然連續痛了22個小時，但是看到她健健康康出生，所有的痛都好值得！2.88KG的小寶完全是爸爸的翻版～還好小下巴像我 Um⋯ 我有點累了～ 大家滿滿的祝福都收到了，謝謝。」唔少藝人好友見到後都有留言祝賀！
其實較早前，剛誕下囡囡的吳若希已接受無綫電話訪問，表示今次是順產，陣痛了20多個小時，仲形容自己「攰到昏迷」。她透露男友Alex亦有陪伴在側，更有幫手剪臍帶。吳若希表示以為自己一見到BB會喊，「但其實係冇力喊，不過真係好開心，醫生話我好叻。」而吳若希亦指囡囡除了下巴，五官同手腳都似足Alex：「唯一似我嘅係下巴，下巴兜兜咁！」至於之後會唔會再追多幾個？她直言唔會咁快：「除咗唔想miss個女嘅成長，自己都要出返嚟做嘢，如果唔係就會同社會脫節啦！」