準媽咪吳若希懷胎8個月就快生得　同老公齊學BB按摩

準媽媽吳若希（Jinny）懷胎8個月，就快生得，而陀B的必經階段，相信就是身材每天見佢胖一些。上個月吳若希眼見自己照鏡都嚇親，體重去到154磅咁勁！不過，肥人當然肥埋身材！吳若希自爆因為陀B，上圍由B級脹到D級，真係好開心。

之但係吳若希陀B去到最後直路，與其留意自己身材，不如集中火力卡照顧BB迎接新生命呢方面啦！所以準媽咪Jinny今日就同老公Alex一齊到TVB藝員莫家淦屋企學點樣幫BB按摩，可能因為莫家淦都係做咗老豆冇耐，相信同Jinny傾開湊仔心得時，提議兩對夫婦齊齊學幫BB按摩啦。莫家淦就在Facebook表示：「呢個準媽媽都好專心認真好學地學習嬰兒按摩，抵讚！係個老豆由頭瞓到尾啫。。。媽媽加油迎接新生命啦！」眼見Jinny同老公Alex好專心將BB公仔當係自己囡囡，再掃下腳仔咁，真係好認真。囡囡未出世，就Feel到呢個家一定好warm。