吳若希腹中囡囡好活躍　手腳勁踢拍埋片：姐仔你今晚有無打算瞓？

現年24歲的歌手吳若希（Jinny）與澳門富二代男友Alex Ho 感情相當穩定，早前宣佈懷有身孕的她，目前已停工在澳門專心養胎。雖然已經停工休養，不過Jinny仍然熱衷社交網站，還不時與大家分享佗B心得。現時懷有B女五個月的她，昨（12日）就感受到胎動的神奇，雖然是驚喜，不過囡囡就搞到她無得瞓，搞到Jinny都話「保你大」做人阿媽甚艱難啊！

Jinny上貼一段影片，留言表示：「呢個友仔尋晚開始係咁郁手郁腳無停過，搞到佢阿媽瞓得勁差，今朝一早起身陪佢憨居居攤係張床成日！」從影片中看，Jinny個肚大到成個波咁，BB女還真是不停郁手郁腳，難怪Jinny都Hashtag話「姐仔你今晚有無打算瞓」「虛脫」等字句，看來BB女在肚子中做運動做得好開心喎。不少網友得知Jinny有這個狀況，都紛紛給予加油打氣，認為生命是好奇妙，BB有這個舉動是一件好溫馨的事，叫她忍耐多一陣，BB好快就出來喇！