黃婉華塗黑扮外庸惹爭議 好友蔡思貝力撐：佢冇動機去歧視任何人
撰文：吳子生
出版：更新：
蔡思貝今日（20/4）現身電視城出席無綫劇集《廉政行動2022》宣傳造勢活動。提到前同學黃婉華早前在新劇《金宵大廈2》將自己塗黑扮演菲律賓外傭惹起族歧視之爭。思貝表示：「其實我同佢以前係喺同一間學校讀書，而我係認識佢。而佢係一個非常好嘅一個女仔，亦都好尊重呢個行業，佢係好用心又專業。係呢件事上面，佢都有出Post話自己唔夠敏感，咁所以我就覺得，喺拍戲嘅情況之下，演員係要盡心盡力演好角色之餘，有時的而且確係要諗社會嘅反應。而我絕對相信佢唔係有動機去歧視任何人，佢只係一心一意想去演好個角色。而事件發生咗之後，有正面兩反嘅不同嘅聲音，咁所以我哋作為公眾人物都要學會接受。」