林峰拍戲搞到周身傷 竟被愛囡一個舉動徹底冧爆

撰文:吳子生
出版:更新:
林峰今日(19/4)現身電視城出席無綫音樂節目《勁歌金曲》錄影。林峰透露早前拍戲搞到周身傷痕,回到家時,竟被愛囡一個舉動徹底迷倒:「因為我隻手有好多花痕,佢見到之後,佢走埋嚟指住我話痛痛,然之後佢會用個嘴吹我手上面啲傷痕跟住佢就會話呵呵。因為喺佢細個嘅時候,教過佢一痛就會呵呵,然後跟住會吹一吹。其實喺嗰一刻佢咁做,我真係冧晒,變咗我即刻冇晒事。」

問及經常出外工作少見囡囡,會否十分掛心?林峰直言肯定會:「就好似之前咁,因為疫情大家分隔兩地,太太就話不如帶埋囡囡過嚟陪我,我話好,係因為令我更加有動力去做嘢。(會否生多個陪囡囡?)其實都有諗過,始終都想佢有個伴,不過一切都係順其自然,就冇話想相隔幾耐就生,我哋都好隨機。」