龔嘉欣入行12年緋聞多到瀉　最嬲被傳拍周國賢酒店房門：無中生有

剛憑無綫熱播劇集《香港愛情故事》人氣急升的龔嘉欣（Katy），日前接受電台主持人梁泰來訪問，大談入行12年的娛樂的過去。Katy曾被冠以「緋聞女王」稱號，2013年跟鄧健泓分手後，先後與周國賢、張振朗、關楚耀、沈震軒、許家傑、吳業坤等人傳過緋聞，而Katy回應直說：「我係好惹是非、好惹緋聞！以前細個入行唔識講清楚，會任人鍾意點寫就點寫，但年紀大啲，就覺得必需講清楚。你講嘅緋聞名單，冇一個係真，都係拍劇合作或住得近被傳出嚟。」

提到最憤怒的一次緋聞，是傳她與跟周國賢在拍攝旅遊節目期間，主動拍對方酒店房門：「事後我都有同周國賢講番呢件事，佢都話知道係邊個做，嗰次根本唔係我！點解出嚟變咗係我呢？嗰時當然唔開心！當時初入行，冇諗過冇事實根據嘅事能變成娛樂新聞，仲要發生自己身上！當時係唔識處理，今日終於有機會講，其實我一直都想講，呢件事好離譜，係無中生有，大家都可以問番周國賢！」