黯夜守護者｜區明妙為拍劇走堂　難忍被老師揶揄：覺得我不務正業

現身19歲被網民封為港版「周子渝」的區明妙（Stephanie ）今日（29/12）現身電視城出席無綫新劇《黯夜守護者》造型記者會。Stephanie透露在新劇中將飾演一名荒唐的問題女學生，為搵快錢甘願做「出租女友」：「其實呢個角色對我嚟講好有挑戰性，同我本身嘅性格反差好大，讀書時期嘅我係好乖，咁所以演起上嚟都會有一定難度。」

提起經常要參與拍攝工作，難免會影響學業進度。Stephanie就指出曾經試過走堂拍劇，被中學老師單單打打心感難受：「其實只有部分老師唔鍾意我拍戲，覺得我不務正業試過畀說話我聽：『有啲人為咗自己嘅星途，而走堂去拍戲』。（有冇唔開心？）我就覺得有得有失，不過我就冇同媽咪講，惟有自己去消化。」

點擊圖輯睇Miumiu靚相！