吳業坤IG爆曾參加《亞洲星光大道》未入圍　慨嘆人生總不是預期

每逢踏入新一年的大除夕晚，很多人都會回顧過去那些會帶給自己喜悅、傷感震撼和淚水瞬間，迎接新一年的來臨。歌手吳業坤亦不例外，現時身處日本的他日前有感而發在IG貼上晨光日照，並寫下千字文，慨歎由細到大，凡事在有準備計劃下行事，結果總不是預期：「記得中學到左中四先知有會考呢樣嘢，揀科都係以為分班組，畀我有得揀早知讀電腦唔讀A. Maths（附加數學），到放榜點知中文唔合格周圍搵repeat，又點知比我搵到間收我讀中六。」

坤哥又謂：「記得本身想參加咗《亞洲星光大道》，點知入唔到最後就去咗《超級巨聲》，然後咁就十年，再到而家嘅唱片公司。而呢十年當中好多好多得到嘅都係意料之外嘅嘢，不過再講就長氣！」但有不少網民留言力撐加油：「想再聽多啲。」不過最後坤哥都同大家講：「今日唔知聽日事」，瞓醒2021年先再算。