陳展鵬無緣競逐視帝不感失望：我睇好丹爺，佢係黑馬嚟嘅！
撰文：吳子生
出版：更新：
陳展鵬今日（29/12）現身電視城出席無綫新劇《黯夜守護者》造型記者會。提到兩年無劇上，但工作一劇接一劇，忙過不停。展鵬笑言：「今年已經第三套，公司當我新人咁做。大家都知公司好興，一嚟就連出三四套，緊接住播出街，咁所以等我籌備定啲作品，到時出年嘅時候，就可以見多啲觀眾啦！」
對於今屆無緣競逐視帝寶座，展鵬不感失望：「其實自己睇好有幾個可以攞視帝，就好似林峰同王浩信。不過我就唔敢評論邊一個好，係要睇佢哋有冇心去做，觀眾一定會睇到。而另一位我就會睇好丹爺（劉丹），佢嘅作品《上海灘》非常經典，論資排輩，丹爺都係黑馬嚟嘅！」
+3
