岑樂怡於《港人愛．講仁愛》對抗老海鮮　演熱血社工參考吉岡里帆

ViuTV藝員部早前率領旗下十多位藝員與傳媒飯聚，出席的藝人包括駱振偉、黃奕晨、陳子豐、陳安立、岑樂怡、余采霖、虞逸峯、詹朗林、岑樂怡（阿妹）和強尼等等，細談近況和未來工作，並大夥兒為於「十月之星」駱振偉和阿妹慶祝，場面熱鬧。

今年ViuTV動作多多，大舉加強自製節目數量，除了成功打響名堂的《Good Night Show全民造星》外，亦頻頻開劇，包括將於2019年播出的《詭探前傳》、《Reboot》和《仇老爺爺》等，務求鞏固晚上11:30的自製劇時段外，亦同時為一眾合約藝人提供更多演出機會，而另一套有劇集元素的節目《港人愛．講仁愛》經已開鏡，故事主要圍繞社工接觸個案時遇到的問題，題材跟吉岡里帆主演的日劇《有健康而有文化的最低限度的生活》有點相似，「呢套劇，我就係因為要演呢個角色而睇，但係陳芷欣個人活潑浮誇好多！」

【好多圖】吉岡里帆新劇仆直成收視毒藥　網上貼噴血寫真力挽狂瀾

節目中阿妹將會飾演女主角陳芷欣，她簡單介紹今次在劇中的角色。「我喺劇入面，本身係一位打排球嘅運動員，之後去咗外國讀Sports Management（運動管理），不過畢業之後喺香港嘅運動界搵唔到工，覺得自己好頹廢，有一次喺條街度幫咗個小朋友搵媽咪，好有滿足感，就決定投身社工界。」為了演好這個角色，阿妹說開鏡前有看一些跟社工相關的書籍「補習」，而有「ViuTV陳啟泰」之稱的強尼，將會是他的拍檔，是他們繼《已讀不回》後再一次合作演劇。

阿妹繼續說：「我呢，係滿腔熱誠，一入行出嚟之後就衝衝衝衝，好想幫好多人，咁強尼係一個好老煉嘅社工（黎德勤），佢個角色好明顯係會打擊我嗰啲人，佢會話：『你唔可以咁樣做㗎，你唔可以咁上心㗎，如果唔係，你自己就會好大壓力！』」後來強尼上前精準地補充一句：「我係老屎忽呀，佢係妹豬！」

節目將以單元劇形式進行，阿妹指，劇組考慮到實際操作困難，所以外景並沒有包括劏房或床位，但強調故事絕對貼地，「我哋會去天台屋，或者去公屋，會去呢啲地點，即係好多香港市民而家住緊嘅地方去拍，我上星期拍咗兩日，有一日好深刻就係，同一班老人家一齊演出，咁我哋向佢哋介紹仁愛堂一個服務，就係佢哋可以拎住一張卡去地區中心食飯，好得意嘅就係，佢哋本身都唔知自己有呢個福利，我會覺得拍呢個節目都幾好，等佢地知道佢哋喺香港可以有多啲福利可以享受得到。」

【非同凡響】岑樂怡4年間狂試鏡　首演電影勁開心：第一次有對白