【主人我返嚟喇】岑樂怡做義工幫狗狗洗白白：想養晒狗場啲狗

看過岑樂怡（阿妹）做節目的觀眾必定知道她非常有愛心、感情豐富、很容易哭，記者心想她一定有養狗啦！誰知她回覆的答案是：「沒有！」真的比她主持的《404不存在的國落》更奇異！

但其實阿妹只是沒有將狗狗養在家中，原來她差不多每個星期都會到狗隻收養中心探訪狗隻兼做義工，而且每次都會捐出大量狗糧。早前一個星期日她就前往元朗大樹下善待動物庇護站做義工，去探訪她的百多個主人。

約兩個月前大樹下庇護站糧食告急，鄭秀文就來過這裡拯救狗狗，送上大批狗糧；岑樂怡出發前一日，也去了幾間超市搜購狗罐頭，她解釋：「我最鍾意嚟呢間庇護站，因為我去過其他狗場，都好多資源，大樹下比較窮比較需要人幫助，所以唔只我，好多藝人都會嚟做義工同捐糧食。」

阿妹的車來到庇護站不遠處外停低，她抱着一大箱糧食下車，狗場的狗狗已跑出來迎接，她一步入狗場更是被十幾隻大狗圍着團團轉，阿妹認得當中幾隻並叫牠們的名字。

阿妹沒有怠慢，放下狗糧後着記者去拍攝狗狗，自己則立即投入義工工作，問工作人員那一隻狗未沖涼，她就幫那隻狗沖涼。大樹下飼養超過一百隻狗，單靠幾名工友是不可能的任務，所以義工的幫助有極大意義。阿妹先替一隻小狗沖涼，接住便同大狗洗白白，她解釋單是洗澡也不簡單：「呢度冇熱水，所以冬天唔沖得涼，夏天都唔可以沖太耐，沖完水要再用洗蝨水抹身，跟住吹乾，吹唔乾佢哋會肺炎。」由於大樹下收養的都是流浪狗，體積較大，一隻沖涼已很吃力。轉眼間到開餐時間，是狗狗的開餐時間，百幾隻狗怎樣餵？狗場煮好了一大堆雞蛋和雞肉，由多位義工分派給牠們，阿妹來來回回十幾次才派完，但這只是其中下午茶時間的一餐，可想而知每日四餐要花多少時間。

阿妹忙完兩小時之後披頭散髮，妝也溶掉才有空接受訪問：「我好想養狗但一來媽咪唔俾養，二來我成日拍旅遊節目唔喺香港，冇乜時間喺屋企；所以我計劃好，如果兩年後我唔再做幕前嘅話就會養狗，我好想養晒成個狗場啲狗。」她又說1年前經理人帶她來狗場後便愛上做義工，只要沒有離港，每星期都會抽一、兩日到狗場幫忙，除了洗澡及餵食之外，亦會帶牠們外出散步、執便便和打掃狗場等。「我喺度學識咗同狗狗沖涼啦，又學識佢哋食啲咩係有益啦，同埋佢哋有咩生活習慣，所以嚟狗場可以幫到佢哋之餘，佢哋亦訓練到我將來成為狗主，我好開心㗎！」當然最幫到狗狗嘅方法，就係領養佢哋返屋企，好好照顧佢哋啦！