【主人我返嚟喇】簡淑兒都會失戀　向「龜蜜」訴苦：佢冇得走焗聽

記者早在計劃《主人我返嚟喇！》之時，便已約簡淑兒Jessica，除因為她是網民心中的女神之外，看她嬌滴滴的外表就估計她養了一、兩隻狗或者可愛的貓咪；記得那天當面問她有沒有養寵物，她回答的時候自己也忍不住笑：「我有養龜。」龜？不是說龜醜樣，但這配搭很有《Beauty and the Beast》的感覺啊！

一劇接一劇的簡淑兒真的很忙，現在正趕拍《平安谷之詭谷傳說》，約了幾個星期終於見到她的龜主人，記者又嚇了一跳，是很大隻的巴西龜。Jessica用水桶載着牠，小心奕奕地捧牠出來拍照，「佢叫Tur Tur，Turtle個Tur。」跟狗狗個狗，喵喵個喵喵有甚麼分別？我們都大笑了。

Jessica不禁解釋：「其實我想養狗，但係𠵱家住嗰度唔俾養。」養Tur Tur則有段故：「嗰時讀書日日都自己一個，返學放學又係自己一個，返到屋企又係自己一個，個人係鬱到好唔開心。日日去supermarket買嘢食，嗰度有一檔賣龜賣植物，我見啲龜仔好得意，但佢哋好慘！每隻都係個樽仔入面，每日最開心係見到佢哋，諗咗好耐，結果有一日就買咗佢返屋企。」

服侍Tur Tur主人超過4年，Jessica想也未想過像養狗般跟牠散步，今天她把握這個機會，到公園將Tur Tur放在地上，然後很緊張地期待Tur Tur跟着她漫步，果然Tur Tur抬頭望一望Jessica，Jessica向前行一步，Tur Tur即很神奇地跟着她走，Jessica繼續行牠亦一步步跟着走，逗得Jessica十分開心，就像一般人與狗散步一樣，分別是Tur Tur不用狗帶。

Jessica還透露了一個秘密，原來她失戀或不開心的時候會向Tur Tur主人訴苦：「我會坐喺佢隔離，佢冇得走唯有聽我訴苦，（如果你拍拖或工作唔開心會唔會話畀佢知？）我會坐喺佢隔離，我諗佢fell到嘅！哈哈！」Tur Tur真是名副其實的「龜蜜」啊！