【迷】簡淑兒澄清冇男友　亦非有錢女：我仲係搭巴士返工！

簡淑兒jessica最近被雜誌公開其珠寶店太子女身份，這個報道對宅男來說沒有影響，反正女神是遙遠的，但重點是簡淑兒被拍得有一位疑似男友翻版林峯接送，女神被私有化，就一定係大事。今日簡淑兒出席《迷》宣傳活動時即刻解釋，她說：「報道影到的不是我的男友，又不是什麼翻版林峯，他揸架車是我香港的屋企人的，那天我揸車返工，因為遠，放工就約了人食飯，我就接埋他，跟住去買東西，我驚抄牌所以叫佢睇住先，他是我認識好多年的好朋友。」

Jessica除了澄清單身， 更表示自己不是富家女，她說：「我不是住凱旋門呀，嗰帶範圍都唔係，我是和家姊住，住哪裏就不說喇，不是太子女，我仲係搭地鐵、巴士返工㗎，同埋父母都已經退休，珠寶店都是其他家人打理㗎，（你入去攞珠寶使唔使錢?）梗係要畀錢啦，都話唔係我㗎，再俾人寫是有錢女，其他人就會以為我游手好閒㗎喇。」簡淑兒自稱不富有，沒有男友，回復原點，大家開心啦。