邵珮詩去泰國內陸照樣影到水著相　媽咪操刀為網友爭取福利

2014年港姐冠軍邵珮詩（Veronica）最近到了泰國清邁旅行，不要以為清邁位處泰國北部，周圍沒有陽光海灘，她便好難向網友幫派發福利。昨日（28日）她便在社交網站中公開一張泳衣相，以三點式示人的她便大曬傲人身材，睇到相片的朋友仔不禁屏息靜氣，完全留意不到她在貼文中分享自己的體會：「To every city i visit, i’d say to myself. Have an open mind to experience the culture and its people, don’t use your own expectations/values and every little thing feels much more interesting.（每當我去其他城市，我都會同自己講，要擴闊自己胸襟去體驗人哋嘅文化、認識當地人，唔好用自己嘅既定眼光去判斷，咁樣就算幾小事都會變得有趣。）」

雖然邵珮詩身材好好，但其實她甚少貼水著相讓網友「享福」，在貼這張福利圖之前一日，她已經貼了一張由遠處拍攝的水著相，當時就有網友睇完覺得未夠喉，仲留言話：「如果你可以Post多張泳裝相畀我哋睇就好喇！」真的會把福利加碼？邵珮詩接受《香港01》訪問時便說：「係得呢啲咋，因為影嗰日已經係喺清邁最後一日，係得嗰日去咗泳池，而我都係得呢套泳衣。」

邵珮詩又笑指自己亦覺得這輯水著相確是有點過分：「特別係嗰一張Selfie，因為平時真係唔會咁性感，咁啱呢件Bikini要紮得好實，所以先有呢個效果。」至於哪位仁兄為她影相？她坦言：「其實我係同媽咪去泰國嘅，我已經訓練到我媽咪影相好靚，我話收貨先得，所以佢成日都叫我做老細，女仔睇嘅嘢唔同男仔睇嘅嘢，如果係叫男仔影，一定會覺得我好煩，同埋同媽咪去可以住得好啲。」

點擊下圖觀看部分邵珮詩未公開的相片：

點擊下圖觀看邵珮詩其他靚相：