【TVB節目巡禮】邵珮詩拍外景冇得去晒冷　孤伶伶一個人拍外景

一年一度的TVB節目巡禮終於到啦，今年更加是TVB 50週年，一班無綫藝員幾乎都全體出動。其中歷屆港姐麥明詩、陳凱琳、馮盈盈更加是盛裝出席，

馮盈盈接受《香港01》訪問時説：「今年係第2年參加，估唔到我都仲帶住個后冠。本來以為今年唔需要。但係今年係TVB50週年，所以隆重其事又要戴返。今年加埋應屆港姐冠軍總共有5個后冠，所以今晚真係有幾百萬喺場內飛嚟飛去。」說到馮盈盈頭上的港姐后冠，她說：「我今朝仲特登喺屋企個夾萬鎖度拎返出嚟。我歡迎大家上嚟飲下茶傾下計，但係就唔好打咩主意。」心水清的網民，應該會發現，馮盈盈這邊箱說有５個后冠，為何會場一直都沒有這張相出現呢？原來有一位港姐冠軍沒有出現，但最慘是沒有人覺得有問題......

這位大家一時遺忘了的，是2014年冠軍邵珮詩，原來昨晚她要為《開心速遞》拍外景，所以逼於無奈冇得去，她在ig亦顯得相當失望，她說：「當個個人去party嘅時候，我才剛剛拍完外景haha，我可以攞傑出表現獎喇啩。」hashtag亦寫上＃收工開心果＃而家可以做咩好。似乎欣欣真的好想出席這個５０週年派對，其實欣欣自《愛‧回家》後都越來越入屋，亦深得宅男歡心，TVB應該識做啦，開少一日外景唔駛死嘅，而家攪到欣欣唔開心，係咪衰呢？