【開心速遞】欣欣冇得繼續愛回家　邵珮詩：進入最後倒數

邵珮詩早前在TVB50周年節目巡禮，一身低胸晚裝搶盡鋒頭，網友當然有留意，除了性感，其實邵珮詩在《開心速遞》飾演欣欣，劇中斯文乖女形象早已入屋，不少網友都期待欣欣有獨立故事，雖然欣欣終於等到，可惜系最後登場，因為欣欣即將會離開《開心速遞》，她早前在ig亦有透露。她寫上：「做好每一場戲的準備，不能讓自己有遺憾＃進入最後倒數＃可是我病了＃欣欣的日子＃開心速遞。」

欣欣離組消息一齣，不少網友都失望，《香港01》亦找欣欣問清楚，她亦承認將會退出劇組，她說：「系呀，231到232系最後兩集，但好開心，因為我終於做主角，嚟緊星期四都系我做主.....但真繫好唔捨得、呢兩年都系喺11廠拍《愛.回家》，同一班幕後好深感情，咁一班同事都有問我，點解會咁嘅？大家都有關心我，但因為上星期甩咗幾場，所以今個星期五先系我last day，因為系欣欣最後幾場戲，自己真系當最後見到佢哋，所以我每場戲都眼濕濕，有啲網友以為我上次著得太性感，所以被踢出《愛.回家》哈哈，梗系唔系啦，公司繫有其他劇集安排俾我，我要出去闖下架喇。呢兩年學咗好多嘢，同好多前輩合作、角色上嘗試又多呀，甚至變聲呀都試過，咁都系時候出去。始終做儍大姐唔可以做成世，大家記住睇埋我最後三集。 」欣欣在《開心速遞》最終章，是第231、232集，現在播到第209集，即系欣欣會在2月後消失，大家真系要望多兩眼。早前就有風少（陳浚霆飾）因為和無線完約，所以失驚無神被消失，欣欣突然出組，應該系無線有新任務俾佢啫，大家唔駛擔心。