香港電影業界走進艱難局面　曾志偉：希望開拍多啲中層製作

港演藝界內地發展協進會（簡稱內協會）記者會，今日（3/9）在政府總部舉行。內協會於本年3月正式成立，報行會長曾志偉與部份成員汪明荃、劉偉強、王祖藍、葉偉忠出席今次會議，並向香港特別行政區，行政長官林鄭月娥會面，提交內地長遠發展建設性方案。

志偉表示：「今日我哋向特首回報我哋成立咗呢半年來嘅進展，呢樣嘢係重要嘅，我哋會喺北京，橫店設辦事處，我哋個名喺促進會，喺幫藝人喺內地發展嘅一個協會嚟，最近大家都會睇到新聞，喺大灣區嘅發展及稅收嘅問題，希望佢哋多了解我哋，同時向業畀內嘅人解釋番種種問題，今日主要回報一啲未來嘅發展及一啲嘅資詢，希望通過「特首辦」作為一個報告及了解，並會定時向特首回報，稍後唔同嘅部門例如導演會、演藝人協會等，我哋都會繳交一份更長細嘅報告畀政府，特首表態一定全力支持，及聽到我哋嘅聲音。」

志偉被問到現在香港藝人斷層問題，有計劃幫助扶持新人？「其實呢一點，就係我哋向特首表達嘅其中一個意願，現在電影業嚟到一個局面，業界有好很大型製作，有小型製作，但我們少了一啲中層製作，希望香港電影業能開多啲中層製作。」