港姐司儀冇曾志偉？　馮盈盈：呢個世界冇嘢話冇邊個唔得

無綫節目《後生仔傾吓偈》，周五（3日）邀請二十位入圍後選佳麗到節目進行錄影。兩位前港姐冠軍靚女麥明詩、馮盈盈，一向以言論大膽出位貼地見稱，被問到早前曾志偉言論話：「香港小姐競選改咗制之後，又現場Live改為錄影，慘不忍睹，其實記者傳媒朋友一齊出埠報導，係可以讓觀眾加深認識班後選佳麗，節目先會豐富。」

馮盈盈直言說：「其實今屆港姐已經都有四十幾年，我哋見到有好多新嘅嘗試，想有新嘅方式，例如特別到上嚟《後生仔傾吓偈》其實都喺想有新嘅idea，睇下有冇新嘅火花出嚟啫。」旁邊麥明詩話：「錄唔錄影呢啲就高層決定，唔太清楚啦，其實錄影有錄影嘅好處，好似《後生仔傾吓偈》咁，都喺錄影，我哋唔喺每晚都會見到大家嘅，其實有時錄影都可以剪多啲精髓出嚟，再者大家喺冇咁高壓下情況演出，可能發揮得更好，未必唔喺一件好事囉。」

曾志偉從1995《獎門人》為無綫打江山，曾做過多屆港姐司儀創出佳績，陳百祥都話：「佢喺為無綫攞收視。」港姐冇咗志偉會唔會真喺唔得？盈盈話：「其實咁呢個世界冇嘢話，冇邊個話唔得嘅，咁樣我覺得例如過往呢一兩年都可惜，志偉哥都唔喺度，冇參與到，都有令一種感覺都會有一定水準畀大家睇番嘅，反而有陣時太過執著強調佢要一定喺度，我哋就唔會有驚喜，反而試下新組合新人選，有新世代接棒，相信喺大家想要見到嘅局面。」